ملتقى طلاب وطالبات جامعة الملك فيصل,جامعة الدمام - عرض مشاركة واحدة

قاصد_خير · 2013- 1- 3

اقتباس:

المشاركة الأصلية كتبت بواسطة atat

ترفعون شكوى على الدكتور لأنه ما سوا مثل الدكاترة الداجين اللي يجيبون أسئلة نسخ ولصق ؟؟؟؟؟

أرجوا التفكير بعقلانية أكثر

الجامعة وفرت لكم محاضرات مسجلة ومحتوى شامل لكل المواد
ما فيه حضور إلزامي طوال الفصل ... أكثر من 3 شهور وش تسوون

ترى مو عذر اللي يقول أنا عندي عمل و متزوج وعندي عيال ومن الأعذار البايخة هذي
للمعلومية أغلب اللي يدرسون تعليم عن بعد موظفين ومتزوجين وعندهم عيال ومع ذلك ما حطوا أعذار لأنهم مرتبين جدولهم

لا تلوم الدكتور على ما يسويه ... الأسئلة كلها من داخل المنهج وأيضا أغلبها من أسئلة الاختبارات السابقة أيضا الدكتور ذكر لنا أن الاسئلة نفس أسئلة الفصول السابقة مع تغيير معاني وشقلبة أسئلة وفعلا صدق في ما قال

أنا لي 4 سنوات أبغى اسجل انتساب في جامعة الملك عبدالعزيز ومع ذلك ما سجلت بسبب عدم استطاعتي على تحمل الأمور والحمدلله فتح لنا المجال في جامعة الملك فيصل وسجلت فيها

أعجبني أحد الأعضاء لما قال: ( إذا أنت مشغول و مو فاضي ومتزوج وعندك عيال ياخي لا تسوي فاهم وتسجل في الجامعة ... إذا فضيت طال عمرك سجل الله لا يهينك )

المشكلة من الطالب نفسه اللي حافظ أجوبة الأسئلة السابقة بدون فهم

في الأخير أشكر الدكتور خالد على ما قمه لنا وأيضا وهو الأهم على تطبيقه مبدأ العدل والمساواة بين الطلاب المذاكرين وطلاب النسخ واللصق

وإذا تبغى تشتكي فلازم تكون الشكوى على الدكتور اللي ماشي على مبدأ النسخ واللصق وياخذ راتب ثاني حرام ( حتى ما يفكر يبدل أماكن الأجوبة أو معانيها .. حسبنا الله ونعم الوكيل عليهم )

للمعلومية:

أنتم ترفعون شكوى على الدكتور والجامعة راح تواجه الدكتور والنتائج المتوقعة كالتالي:
1- سوف تمنعه من المشاركة في المنتدى فقط
2- سوف يوضح سبب الشكوى وهي عدم وضع أسئلة نسخ ولصق كباقي البيطريين السابقين
3- الجامعة راح تجبر كل الدكاترة على انتهاج نهج الدكتور في تغيير الأسئلة وذلك بوضع بنك أسئلة
4- بالعربي بياكلون هوا اصحاب النسخ واللصق

سلام

فعلاً والله كلامك مردود عليك مثل ماردوا الاخوان , وفعلاً مستغرب من ان فيه ناس للحين يمدحونه على هذا العمل
تنصف الدكتور على شنهو بالضبط ؟؟؟
إن كان على الشرح فهناك من هو اكفئ منه امثال الدكتور عدنان الملحم ونور الدين خبابه
وإن كان على الأسئلة فللأسف اسئلته بايخه لأنه فاتل عضلاته علينا , ولديك علم انا متخرج وعندي شهادة برمجة تقنية المعومات من جامعة الدمام ومرت علي اشكال واصناف كثيرة من الدكاترة ومن المقررات ورغم ان دراستي هي تصب في هذا العمق إلا انني اقول والله لم يكن هذا الدكتور حكيماً في اسلوبه ولم يكن موفقاً في ذلك البته
الدكتور الذي يستحق الشكر والتكريم هو عدنان الملحم ونور الدين خبابه وبس