|
رد: موقف مر عليك اثناء الاختبارات
انا الموقف الي شفته مو قادره انساه وظليت باقي الايام وانا اختبر اكون ع اعصابي وقلبي يدق لان
الموقف الي صار معاي مخلا فيني اعصاب
كنت باختبار الاخلاق الاسلاميه وطبعا كلنا عارفين كيف كان صعب ومنرفز انا صرت جالسه قبل الاخير
وجات بنت وراي طبعا كنت هلكانه وبجو الاسئله الي لحست لي مخي الا واسمع هذاك الصوت الي وراي
وشفت البنات الي بجنبي كلهم قاموا ولا التفت الا البنت الي وراي طاحت وترجف مثل الي معاها صرع
المشرفه خافت وراحت تنادي المديره ومحد قرب لها انا خفت عليها تعض ع لسانها جيت بحط القلم تعض عليه
الا تصحى بوجهي انا اخترعت من نظرتها قلبي كان بيوقف خوف عليها وخوف من الموقف ذاته
طبعا لما كنت عندها كنت اشم ريحه بس قلت يمكن انا اتوهم طبعا جاوا المشرفات وانقلوها
والريحه مازالت ولا قادره اتكلم ولا قادره اتحمل الا انتبه بالبنت الي جنبي تسد خشمها
قلت ابد انا مو بوهم الريحه صج 
طالعت بالمشرفه قلت لها استاذه خفت اتكلم عن الاحراج بس ماني متحمله اشم ريحه جابتني قدام
وشويات الا العامله جايه تنظف
لان البنت مسكينه تبرزت ووسخت الكرسي والسجاده الي عند طاولتها وهي طالعه بعد وسخت قدام الباب
بس جد موقف لاتحسد عليه الله يشافيها يارب
والحمدلله انها ماشافتنا ولا شفناها ومانعرف حتى اسمها ولاخر يوم صار معاي رهبه انو ممكن بنت تطيح
نظرتها للحين وانا اكتب بعيوني بس ماقول غير ربي يرفع عنها
|