ملتقى طلاب وطالبات جامعة الملك فيصل,جامعة الدمام - عرض مشاركة واحدة

~ Confidence · 2013- 1- 3

اقتباس:

المشاركة الأصلية كتبت بواسطة manor

الله يجزاكم خير ابي احد يجاوبني

تسجيل المقرارات السبت ( طيب انا عندي مادة وابي اعادلها من مواد مستوي ثاني انا تخصص انجليزي )

هل اسجلها مع المواد لما اسجل موادي ولا استني الين تجي الموافقة ؟؟

وسؤالي الثاني انو المادة الي بعادلها هي (مبادئ الاحصاء التربوي )<< هذي درستها بجامعة الدمام , وابي اعادلها مع مادة( مبادئ الاحصاء) الي بجامعة الملك فيصل

لكن الي بجامعة الدمام تربوي هل ينفع اقدم طلب واعادلها

إذا انت حابة تسوين معادلة للمادة الي في مستوى ثاني لا تسجلينها .. لأن المعادلة هي عدم رغبتك في دراسة مادة ما لأنك درستيها سابقًا ..

شوفي وصف المقرر الي درستيه في جامعة الدمام و قارنية بوصف المقرر حق جامعة الملك فيصل إذا كان مشابه و اغلب المواضيع قريبة او مطابقة ف احتمال كبير انهم يعادلونها لك ..
يعني الي عليك شوفي وصف المقرر حق مادتك الي درستيها في الدمام و إذا ما عندك تقدرين ترجعين تطلبينها من جامعتك ..

موفقة ..

اقتباس:

المشاركة الأصلية كتبت بواسطة manal.q

انا كنت انتظام "وسحبت ملفي" من الجامعه وفيه 6 مواد ابي اسوي لها معادله .. يمديني اسوي معادله اذا كنت ساحبه ملفي مش متخرجه ! و هل بلقى درجاتي عند جامعتي القديمه لو بطلبها !

نعم تقدرين تسوين معادلة للمواد الي درستيها حتى و لو ما تخرجتي .. نعم تلقينها و المطلوب لمعادلة المواد تطلبين من جامعتك السجل الاكاديمي حقك الاصلي و مختوم + وصف للمقررات حقاتك .. علشان ترفعينهم بعدين للجامعة عند طلبك للمعادلة ..

موفقة ،،