يسلمو البنات اللي دخلو موضوعي مع انه كان موجه للشباب ..ليس للبنات
ويسلمو للبعض اللي رد بهجوم .. احترم دخوله موضوعي
و انا كنت استهدف أخوي حبيبي هنا بالمنتدى
و باقي الشباب بالمنتدى مره وحده بمشكلة ( عدم التقدير )
انا ماقلت مابي اشتغل .. بالعكس .. احب يكون لي دور بالبيت
لكن حسسني انك تشكرني على هالشي اللي انا سويته وانا اصلا مو مسؤوله شرعا
أو ع الاقل حسسني اني أختك و صديقتك مو عدوتك
جيبو لي دليل شرعا انه
واجب ع البنت تنظف البيت
طبعا عارفه في أدله تتكلم عن الأجر وكذا ... لأ انا ابي دليل انه واجب
،
،
وطبعا ما اتكلم عن الكل .. في عوايل ماشاء الله أفكارها ارتقت .. في المقابل في ناس لسا باقي على فكرة سيادة الولد ع البنت وان له حق يغلط عليها !!! ولو هي ردت عليه تكون مصيبه !!
وبعيد عن هالكلام كله ... الاحترام مطلوب
وشكرا أبو يزيد ع ردك ..
