اختي "الانتظاار"
أولا ، كثير من ردودك بالمنتدى سخرية و نقد للكلية
أين دورك في الاصلاح ؟
لا تقولين لي انا طالبة وايش اسوي
ياما احوال تغيرت وكان ابطالها بنات
ودكاترة نقلوهم لأنهم ظلموا لان ربي سخر إنه "بنات تكلمو"
ثانيا ، الاخت كيميائية عبرت عن وجهة نظرها
والنقاش ان كان يتطلب حجج كما ذكرتِ
فهو يتطلب ايضا احترام وجهات نظر وليس تقليل من قدر وجهة النظر
ليس عيبا ان أختلف معك ، ولن يكون هذا تقليل لوجهة او وجهة نظرك
بالعكس هكذا الحياة تقوم على اختلاف وجهات النظر
ثالثا ، لنرى صحة حججك
"كل هالبشر يحملون هالمواد"
تقدرين تجيبين لي نسبة موثوقة تبين لي هالكمية المهولة اللي تشيرين اليها
ترى فيه كثير ما يحملون مواد بعد
"طيب احنا صار فينا كذا وبعد ماخذنا شي من حقوقناا الله يرحم بحالنا بس "
وش هي الحقوق ؟ ماذكرتيها ؟ اين الحجة ؟
"بنات لو سمحتواا اللي بتعلق على ردود الغير يايكون كلامها بحجج واضحه ومصداقيه"
أوجهها لك أيضا يا عزيزتي
......
اما بشكل عام
بالنسبة للنقاط اللي ذكرتوها خواتي جميعا
نعم مش صح ان الانسان ياخذ درجاته ببساطة وع الساهل
وبعد مو صح تكون المسألة تعقيد وصعوبة
الوسطية هنا هي المطلوبة
أنه تكون الأسئلة على قد الشرح
أي :
ـ1
دكتورة تشرح المنهج جيدا
أسئلتها من ضمن المنهج وافكار الاسئلة طرحت من قبل
تصحيحها معقول ولكل درجة حقها "بدون زيادة أو نقصان"
هي الدكتور المثالية رب يجزاها كل خير وفيه كذا مثال لهذا النوع بقسمي قسم الرياضيات
-2
دكتورة ما تشرح المنهج جيدا
أسئلتها من ضمن المنهج
تصحيحها معقول ولكل درجة حقها
دكتورة لم تؤد الأمانة بشكل كامل
وبالتالي يحق لي " أكلمها شخصيا عن اسلوب الشرح ان لو تجرب طريقة غير - لما ما افهم اقولها ما فهمت مو بس اسكت و اتحلطم عليها "
اذا ما نفع معها هالشيء
اكلم وكيلة الكلية أو المسؤول واوصل لها خبر
-3
دكتورة تشرح المنهج جيدا
أسئلتها خارج المنهج وخيالية
تصحيحها معقول ولكل درجة حقها
أكلت حقي وبالتالي يحق لي أشتكيها عند وكيلة القسم وبيراجعون الأمر سريعا "عن تجربة" ويتم اتخاذ الاجراء اللازم
بحيث ما تعيدها مجددا
-4
دكتورة تشرح المنهج عادي
أسئلتها من ضمن المنهج وافكار الاسئلة طرحت من قبل
تصحيحها مو معقول وجائر
أكلت حقي وبالتالي يحق لي أرفع تظلم "عن تجربة لصديقة " ويتم اتخاذ الاجراء اللازم
بحيث تعدل درجتي
علما أن صديقتي كانت راسبة وتعدلت درجتها لنجاح
هذي انواع الدكاترة
وهذا التصرف الصحيح اللي فعلا بيغير مجتمعنا لنوع ايجابي
و مابيصير فيه شي اسمه حقوقي راحت
أما اني ابي كل شي ببساطة هذا ابدا مو نيل حق
هذا عكس ذلك
لأن الدرجة اللي تنالينها هي شهادة تؤهلك لشيء مستقبلي
فدرجة زيادة بغير حق هي درجة ليست من حقك
تخيلو طبيب تخرج من طب وكل درجاته a لان دكتوره يجيب اسهل اسئلة وما يرسب
ايش بيصير ؟
لو كل درجاتنا a وناخذ درجات بالساهل كان المعيدات والدكاترة المستقبليين اللي بيكونون احنا ما يفهمون شي ولا يعرفون المنهج عشان يدرسونه
وهذا يؤدي لفساد المجتمع !
نعم الكلية مجتمع كامل
فيه اكثر من 7000 شخص
مستحيل كلهم كويسين
ومستحيل كلهم جيدين
اللي عم السوء مخطأ واللي عم الخير مخطأ
يوجد هذا وذاك
وما يحق لي اهضم حق احد على حساب احد
والاهم
اني اذا سويت اللي علي و توكلت على ربي
حقي مارح يضيع !
اذا ضاع هنا فربي يخبيه لي بتعجيل ثواب بالدنيا او ثواب آخرة
ربي يهديني واياكم لأحسن القول والعمل