المشاركة الأصلية كتبت بواسطة Ħаḏố0ồЧ

من اللي قال البنت مو مسؤوله شرعآ عن تنظيف البيت ؟!!!!!

أجل وش دورها مثلآ ؟!

تآكل وتذاكر وتقعد قدام المرايآ وتنتظر عريس الغفله يدق الباب !!!!

شوفي بتكلم عن نفسي .. شغل البيت ماحبه صدق بس أحاول أمارسه زي الرياضه

يعني اللي تبي تشد جسمها الله الله بشغل البيت

ثاني شي من ناحية التقدير إذا تبين تاخذين لازم تعطين .. وإذا عطيتي مو شرط

تاخذين من أول مره > التكرار يعلم الشطار

يعني سمعي أخوانك كلمة شكرآ .. يعطيك العافية .. تسلم يدك .. ماتقصر .... الخ

دائمآ سمعيهم هالكلام حتى لو على شي مايستاهل بتلقينه يقدرك على أي شي تسوينه

امدحيهم في حضورهم وغيابهم ولا تحاولين تقللين منهم قدام أحد حتى لو هم حاولوا

بعدين كل اللي نسويه وحتى لو مايشوفونه ولا يعجبهم يكفينا

إنه ربي ياجرنا عليه