اختار سمحات الدروب النظيفة
اللي غسلها رايح المزن برشاش
يمشونها قوم النفوس الشريفة
اللي ضمايرهم نقية كما الشاش
ابيوتهم مثل الحصون المنيفة
ما هي لطير البوم غيران واعشاش
وحلالهم للضيف دايم مريفه
لو رجلهم يسرح ويضوي على ماش
والرجل منهم ما يخلي رديفه
إن مات مثله مات وان عاش له عاش
وان مات منهم رجل عقب خليفه
يطعن نحور القوم ويرد الادباش
يعرف هدف روحه ويعرف وليفه
ما يعرف الخونة ولا هو بغشاش
وليا رزقه الله بعذراء عفيفة
ايحطها ما بين نونه والارماش
ماهو على الخفرات يستل سيفه
وان طالعوا فيه الرياجيل ينحاش
حلو النبا سمح المحيا لضيفه
ويصير له خادم مسخر وفراش
وان مد ما مدت يمينه قصيفة
مدت يمينه تبهر الخبل واللاش
واليا هرج تلقى علومه طريفة
ما هو لهفوات المناعير منقاش
وان شبت النيران ما هو بليفة
في ساعة الكربة سواي ورشاش
سده بعيد ولا أحد يعرف غريفه
ولا هو لعرض المكرم العرض نهاش
والشوك في جنبه سوات القطيفة
إن كان ما له بيت مامون وافراش
ما يرتكي فوق الخبول الضعيفة
اللي ليا حركتها قدرها طاش
وان جا نهار كل قرم يعيفه
ما هو ليا ثارت على القوم رماش
الكذب يعرف بين الأجواد زيفه
والصدق مثل السيف صاطي وحشاش
وصحيفتة يا طيبها من صحيفة
ولها من العقال كاتب ونقاش
حاز المراجل والمراجل كليفة
الا على اللي كل ما رامها هاش
وان شاف له من جانب القوم خيفة
تلقاه للخيفة مهاجم وبطاش
الصدق والمعروف والطيب كيفه
ويغبش لها مع طلعة الفجر مغباش
للحمل ما تلقى جنوبه صخيفة
حوله بروق تعمي العين وافلاش
يصبر على جرحه ويمسح نزيفه
طبه بشبه خير من طب الاحباش
شخصيتنا التآلية
شخصية بارزه ومهمه بالملتقى فهو
الأخ والناصح و المعاقب
متسامح وذوق وكريم ووسيع بال
يلزم الجميع ع احترامه ومحبته لطيبه وأخوته ..
لن أكتب المزيد لأن الصفحات سوف تمتلئ
ولن أفيه حقه
أبو محمد
اطلقوا العنان لعقولكم بتحليل شخصيتنا
ولكن لاننسى اخوتي القوانيييييين
[flash=http://im21.gulfup.com/2012-10-23/135094075071.swf]WIDTH=5 HEIGHT=3[/flash]