مرحبـــااا ..



أولا /

أشكر الأخت المشرفة دودي على رحابة صدرهـا و إعادة فتح الموضوع ..


ثانيـا /

يا هلا بـ ريحة مطيـر ,

بنت عم و معانا في نفس المركـز و ما درينـا عنـّج !!

الله يسامح الدنيـا اللي فرقـّتنا و خلـّتنا ما نعرف بعض ..



ثالثـا /

بخصوص التطـوّع ..

أوّل إختبارات لي كانت في مركز الخفجـي ,

و حسب اللي فهمته من المراقبين هناك إنهم ياخذون مكافـآه من الجامعه ,

الجامعه تحدّد رئيس المركز و تترك له حريـّة إختيار المراقبين اللي معاه , و هو يرسل لهم بياناتهم عشان المكافـآة ..

و بــ العقل ..

شخص يترك أهله و أموره الخاصـّه و يراقب إختبارات من الساعه 3 العصر إلين 8 بـالليل لمدة 11 يوم بدون مقابل !!

أعتقد صعبة شويء ..


رابعـا /

أكثر شيء خايف منـّه هو إن مركز الكويت ينلغي و السبب هو أنتم يا البنـات ,

كثره من غير نفعه , ما شفنا منكم لا حلا و لا قهوه و لا شاي ..

يا دافـع البـلاء .. ما نسمع عنكم إلا الهواش و المشاكل ..!!

المفروض تراعون ظروف إخوانكم و خواتكم اللي يختبرون معاكم في نفس المركز ,

ترى الشحططه و السفر كل يوم للخفجي أو الحفر عشان إختبار شغله متعبه حييييييييييل ,

و لــهذا ..

كل وحده تعقـل و تخلـّي خبالها في بيت أهلهـا و تجي تختبر و عينها في ورقتها ,

و إذا حصلت إساءه من مراقبه ترى الهـون أبرك ما يكـون ,

حلـّوا أي سوء تفاهم بــهدوء و حكمه و تعوذوا من إبليـس و فكـّونا من المشاكل ..


قلت ما قلتـه , و أستغفـر الله لي و لكـم ..




شطحـه

وهج .. إذا تهاوشتي و بغيتي فزعـه إفتحي باب القاعه و صيحي يا مطييييييييير و أبشري بـ الفزعه ..