موقف ثاني ...
كان معنا واحد الله يستر عليه بس ...
من النوع اللي يستظرف ويحاول يتصنع الكوميديا والضحكه ....
في اول اختبار في العقيده كان المراقب مطوع الله يجزاه خير ... وخوينا ذا اشغلنا طول وقت الاختبار وهو يستظرف وشتتنا ولا خلانا نركز ... والمراقب الجميل يسلك له ومعطيه جوه ... الين انتهى الاختبار وطلعنا ...
جاء الاختبار الثاني ... حق النحو ...
وجاء خوينا ذا وزان له الوضع وقال باستظرف واعطي جو حلو للاختبار ....
عاد الشباب في القاعه يناظرون له ولسان حالهم يقول ( ياخي انثبر ياخي تراك سامج ) ...
بدا الرجال ينكت نكت سقيمه مع المراقب ... طبعا المراقب سلك له في البدايه عشان يجبر بخاطره بس
تمادى البطل في الظرافه ..... ( فصل عليه المراقب
) عصب المراقب وقال لو ما تسكت وتخليك في اختبارك راح اكتب فيك محضر غش هههههههههههه
بلع العافيه وسكت ... واستمر في السكوت ... وانتهت الاختبارات وهو ساكت .
:)