حدك حدك بتاخذ من 5 الى 6 مقررات
الافضل انك تسوي دراسة كالتالي :
1- وضع اسماء بالمقررات اللي تقدر تاخذها ( واللي هي جميع المقررات اللي مابعد اخذتها من المستويات السابقة بالاضافة لمقررات مستويين قدام ) .
2- تشوف مواقعها في جدول الاختبارات النهائية ( وهنا تحاول يكون بين كل مقرر والثاني يومين او يوم على اقل تقدير )
3- الخطوة رقم 2 بتختصر لك عدد المقررات اللي ودك تاخذها ( والاختيار النهائي للمقررات في الخطوة هذي يعتمد على جواب 3 اسئلة :
س1 - هل الدكتور بيكون جديد والا نفس الدكتور السابق ؟
س2- بعد مااطلعت ( تقييم سريع ) على المرجع اللي طالبه الدكتور للمقرر ( حسب ملاحظات الطلبة اللي قبلك بعضهم يقول محتوى وبعضهم يقول محتوى وكتاب ) هل قررت تاخذه والا ماودك تجازف ونويت تؤجل ( بس اعمل حسابك لا تجتمع عليك مواد صعبه بعدين ) ؟
س3- ادرس ملاحظات الشباب على اسئلة الدكتور في الاختبارات السابقة . هل اكتشفت السر في طريقة الدكتور لكتابة الاسئلة والا ماتدري وش السالفة ؟)
-----------------------------------
وبعدها اعتمد جدولك ( أنت اللي بتدفع وتدرس وتختبر معناه تحمل نتيجة قرارك ) .
الله يوفقنا وياكم