أخواني أخواتي ،، أسعد الله صباحكم ومسائكم بكل خير ،، وفالكم النجاح إن شاء الله

حدث هناك بعض اللبس عند أكثر الأخوان والأخوات بالنسبة لموضوع التسجيل ،،

واختلفت الآراء هل فتح التسجيل أو ما فتح ،، وهل التسجيل راح يكون بعد النتائج والا كيف ..؟؟

طيب يا جماعة الخير بالنسبة للأشياء هذي وش هو مرجعكم الأول والرئيسي

حاجتين ،، اعلانات الجامعة أو التقويم الزمني

طيب لقيت لكم الاجابة في التقويم الزمني

معناته تسجيل المواد فتح من قبل يومين اللي هو يوم السبت 5/1/2013 الموافق 23/2/1434هـ

طبعاً بتقولوا كيف الجامعة فتحت التسجيل في هالوقت واحنا باقي ما جتنا النتايج

طبعاً الجامعة لو تلاحظوا في المربع الأحمر الثاني في يوم السبت 26/1/2013 الموافق 14/3/1434هـ فتحت مرة ثانية البانر للتعديل والحذف والإضافه ،، ليش ؟؟؟ لأنه اللي سجلوا في التاريخ الأول وطلعوا فرضاً حاملين لمواد يقدروا يعدلوا في هذا التاريخ بعد اصدار النتائج

طبعاً الله أعلم ليش سوت الجامعة هالحركة الخنفشارية ،، بس يمكن علشان يكون اختصار للوقت وما يضيع هالوقت بين السيمسترين في انتظار النتائج ويستغل بالتسجيل المبدئي ودفع الرسوم

أتمنى أكون قدرت أوصل الفكرة وأي استفسار أنا حاضر

أقول قولي هذا واستغفر الله لي ولكم ولسائر المسلمين من كل ذنب فاستغفروه ،، أنه هو الغفور الرحيم