الكل من طلاب ادارة الاعمال يعلم ويعرف ومتأكد انه لا يوجد خطة لهذا التخصص
ولا نعلم كم ساعة بالضبط الا بعض التخمينات من بعض الطلبه لا تعدو عن اجتهادا .
طيب تعلمون ان اول مادرسنا في هذا القسم هو التخطيط ويا للمفارقات الصدف اننا في قسم لا يوجد به خطه والسبب يرجع الى عدة عوامل .
1- ان خطة ادارة اعمال فقدت مابين كلية ادارة الاعمال والتعليم المطور وجاري البحث عنها في دهاليز جامعة الملك فيصل ومن يعثر عليها الابلاغ الى اقرب مركز .
2- ان من فلسفه كلية ادارة الاعمال انهم احتاروا فينا فجعل كل طالب يعيش على احتمال التوقعات سواء كان ركود او عالي او متوسط حسب الحالة النفسيه حسب مادرسنا بالادارة المالية ويرخى العنان لبنات افكارة ويتوقع كل شئ.
3- من كثر ما الطلبة ممتازين احتاروا فينا الدكاترة ويبحثون عن مواد تليق فينا الله يستر .
4- يعني نبي توقعاتنا بعد ساعات اما 136 او 132 او 129 او 126 ولكي نكون واقعيين نبني على 139 واذا كانت اقل نكون توقعنا الاسوء .
5- تصدقون صرنا نكتة ادارة اعمال ولا عندهم خطة طيب حطولنا اي خطة لو 4-4 -2 لو انها فاشلة لأن برشلونه تركها .
6- هل توقعون ماهي اسباب تأخير الخطة انا اتوقع عدة احتمالات الاول انهم ماهم معترفين فينا وهذا واضح والثاني انهم مستهترين فينا وهذا واضح والثالث مادرو عنا وهذا ايضا واضح الي ماهو واضح اننا نحن اصحاب الشأن بنسبه لنا السبب غير واضح .
7- ان احس اذا دخل احد ما الملتقى يقول هاؤلاء بدون خطة مساكين الله يعينهم صرنا نكسر الخاطر .
8- تصدقون احس نسير بدون بوصلة ودائما ’ اذا من السبب وهل يجرؤ ويقول انا السبب احس انه انسان يريد منانذهب اليه ونحب رأسه ويده ونقول ياطويل العمر والبقا والسلامه نحن قدر الله علينا ودخلنا تخصص ادارة اعمل بدون خطة تكفى اعطف علينا واطلق لنا الخطة الله يرحم والديك ترا صرنا مطنزه بين الكليات .
ومن هذة المنطلقات والعوامل ارجو من زملائي طلبة ادارة الاعمال التعليق دون التجريح بالجامعة او الكلية او احد اعضاء المنتدى او المنتدى او الاساءة يعني قصدي بالعربي انتقدوا ولا تنتقدوا اوضح اكثر يعني انتقدوا وانتم تضحكون مو تضحكون تبتسمون يعني قصدي والله ما ادري وشلون اقولها لكم لأن الحرية هنا بالمنتدى علي كيفهم ان لم تكن مطبل للجامعة فأنت مسئ يعني بالعربي الفصيح لا يوجد حرية يوجد دكتاتورية هذا من وجهت نظري .
والى اللقاء بالحلقة القادمة وسوف ننتصر ونحصل على الخطة اللهم آمين ادعوا معي عقب كل صلاة ان يسهل ونحصل على الخطة .
وشكرا