البارحة في حزة النوم مانمت .. لين الصباح تبينت له علامه ..
السلام عليكم ورحمة الله وبركاته
قطو توه متغدي ويبي ياخذ له غفوه
وأنا شخص وقتها فاضي وودي اصوره
تابعوا وش صار 
اللي يبي يتمقل في الصور مضبوط يرعص عليها بقوهـ 
كبدايه لاي مشروع نوم لازم تكون هالصوره
ومباشره نومه بدون اي هواجيس 
وبديت انا العب لعبتي واتحرك يمين ويسار علشان اضبط لي زاوية واصوره
وقام ابو الشباب وشكله زعلان من الازعاج 
محاولة لجلب النوم مرهـ ثانيه 
واضحه الدوخه
كأنه وده يقول خلاص افهمها ودي اناااااااام 
وبدأ مشروع النوم مره ثانية
واضح انه مغمض بالقوة 
أوووووووف ياليل الليل 
خلاص ما أقدر ( انهارت قوته ) 
السن حكايه ثانية تدل انه معد فيه حيل 
وصورته على هالوضع كثير صور وصرت اتحرك على راحتي وهو نايم
وبدأ يتمغط مسوي فيها شبعان نوم 
سييببيبنتلهلللتتطلتببلهبللتلثتل ( شكله يتحلطم ) بس ياخوفي انه يسب
وينقلب للجهه الثانية <<< خلاص افهمها ودي انام تكفى 
وش اللي صار وش السالفه ليه يناظر فوق
اخوه الاشهب كان فوق بيت الشعر ويبي ينزل واخترش ذا اللي تحت مدري روعه او لقافه 
ثم راح للحوش الثاني وقعد يتبطح وطار النووووم وقام يتميلح مثل العاده 
ومليت من خشته ورحت وخليته
طبعاً الصور تقريباً من عشرة اشهر
لأنه بعدها بفتره بدا يخربط وقام يتميصل وصار بثر فـ جبت ( حقّه - اللي يصيدون بها القطاوهـ ) من مزرعة واحد من العيال وتم القبض عليه ونطلته في ديرة بعيدة عن ديرتنا عند مطعم هنود خله يدسّم شاربه (ماهانت علي العشرهـ )
وترى الصور واجد بس ما بغيت اوجع روسكم ونقيت لكم بعضها
وانتهت بذلك قصة ذا القطو مع عدستي
وبس 
التعديل الأخير تم بواسطة _التميمي ; 2013- 1- 7 الساعة 11:28 PM
|