2013- 1- 7
|
|
أكـاديـمـي ألـمـاسـي
|
|
|
|
برد الجفا ـ بقلمي ـ
السلام عليكمـ
في قصيدة لسمو الشيخ محمد بن راشد آل مكتوم
غناها فنان العرب محمد عبدهـ
إستلهمت البيت الأول وبنيت عليه قصيدة
طبعاً لا يمكن بأي حال من الأحوال أن أتجرأ وأقوم بمحاولة لمجاراة الشاعر
ولا مجال للمقارنة أبداً .
لكن خطر على بالي البيت وأكملت بعدهـ ما جال في نفسي عسى أن تحوز إعجابكم .
ياكيف بعت اللي بروحه يداريك
وانتا مريح البال ليلك ويومك
,,,,,,,,,,,,,,
برد الجفا خيّم في ليلة تجافيك
ونوّخ ركاب الهجر فيها وسومك
عطشى الليالي ذقتها من تغليك
شبيت في صدري لهايب سمومك
لذيذ المواصل كنّها حلم يغفيك
بذكّرك فيها واعاتب والومك
فيض الحنان وصادق الود أسقيك
وافرد لك ايديني بلحظة قدومك
تبلل شفاهٌ طبها بين اشافيك
لذيذ المعانق ياغذا الروح دومك
بين الضلوع الحُدْب مسكنك يآويك
اهجع عساه يطيب حلمك ونومك
أشب من عوج المحاني وأدفيك
واسهر على ضوك وبارق نجومك
آقول لك يامنوتي أيش يرضيك
هاك الوريد أكتب بدمّي همومك
مافادني ذوقي ولا بان لي فيك
في ليلةٍ غدرى تقوّت عزومك
قابلتك بصدري احميك ما ارميك
وياكم على ظهري تبرّي سهومك
مكثور خير اللي نقل لي تعازيك
أبشرك جرحي تناسى علومك
وياكيف بعت اللي يحبك وشاريك
خسرت في بيعتك شخصٌ يرومك
وسلامتكم 
|