وهـج مطير


إمحق إستقبـال ..!!

السموحه ع الـلقافه , أقولج ليش دخلـت و رديت ع الموضوع :

اللي دخّلنـي هو حرصي على إستمرار بقـاء المركز ,

لأن اللي يحصل عندكم أو بسببكم له تأثير مباشر علينـا , و العكس صحيح ..!!

الدكتورة هيفـاء هي زوجة الإستاذ فايز ( رئيس المركز ) ,

و الولد " عبدالمحسـن " اللي كان موجود في إختبارات شهر 5 اللي طاف هو أكبر عيالهم ,

و كل واحد يختار المراقبين اللي راح يعملون معاه في كل كورس ,

و يمكن لو تلاحظين إن المراقبين كل كورس يتغير منهم واحد أو إثنين ,

و للأمانه الأستاذ فايز إنسان محترم و أخلاقه عاليه و ما يحب يزعّـل أحد ,

و لكن أحيانا تحصل أمور " سخيفه " من بعض الطلبة تخلـّي الواحد يطفر و يطلع عن طوره ,

مثل اللي حصل عندنـا في قاعة الشباب في اليوم قبل الأخير ( يوم الإثنين ) ,

و أتوقـّع إن الوضع عندكم ما يخلى أيضا من " سوء الفهم " مع المراقبات ..

و تأكدي ..

إن المكـافـآة اللي تقدمهـا لهم الجامعه هم في غنى عنهـا طالما توصل الأمور إلى كرامتهم و تقليل إحترامهم ..

هم في النهايه موظفين ( بعضهم أكاديمي ) و عندهم معاشاتهم و ما أتوقع راح تزيدهم شيء المكافـآه ..


و لــهذا .. لازم الكل يتعاون مع بعض ,

إذا شفتوا بنت " أعصابها فالته " إقضبوها و ركدوها و علموها السنـع ..

و إذا فيه مـُراقبه " مو تكانه " أيضا إقضبوها و ركدوها و علموها السنـع ,

أنتي من البنات القدامى و أنتم " القديمات " اللي عليكم دور في تهدئة الأمور بين البنات الجدد و المراقبات ..



و السموحه ع الـلقافه و الإطالـه ..

بــــ التوفيق للجميـــع ..