صباح الخير/
نصيحه أولى للي لسا في المستوى الأول والثاني
لاتفرطون في المواد بحجة أنها سهله استغلوها لرفع المعدل قد ماتقدرون
أنا ندمت على بعض المواد.
ونصيحه ثانيه لاتأخذون أكثر من مادتين فيها عمليات حسابيه عشان ماتنلحس عقولكم وماتقدرون تفرقون او تركزون فيها وخاصه انها مهمه للمعدل.
يعني مثلاً اخذتوا رياضيات ومحاسبه خلاص اكتفوا بها حتى لو تسجلون مواد من مستوى أعلى منكم.
نصيحه ثالثه لاتأجلون مواد عشان الدكتور اسئلته صعبه لأن كل سمستر شكل، مثلاً بعد الإقتصاد الجزئي لنا بنات كثير مانزلوا مادة الإقتصاد الكلي بسبب بلغرسه ومع ذلك جاء من حظنا أنه جاب اسئله سهله جداً، وكذلك هالسمستر بنات تحاشوا النجار في التحليل الإحصائي والإحصاء وجاب نفس اسئلة العام !!
وغيره كثير من امثله .
نقطه أخيره موضوع انكم ماتسجلون مواد كثيره عشان المعدل هذا المنطق مو صحيح ابداً في كل الجامعات وانتساب او انتظام كل مازادات المواد كل ماصار احتمال ارتفاع المعدل أعلى
لاتتعدون 6 مواد ابداً واشوفه معدل ممتاز خاصه للي عنده وقت يذاكر ..
بالتوفيق لكم.