|
رد: ( شكرا جامعتنا ) للعقلاء فقط
ملاحظات بسيطه:
1- لما الطالب يدخل جامعه ودافع لها فلوس (منهم اللي يبيها ترقيه ومنهم طموح ومنهم استفاده من الوقت)
وما يندرى كيف وفّر هالفلوس (راتب - سلف)
شئ طبيعي لازم يكون به مقابل لهالفلوس
والمفروض المقابل يكون خدمات تسهيل للطالب
من ناحيه الاتصال بالدكاتره
وتعامل الدكاتره للطلاب
التقنيه تكون متوفره وبالسرعه المطلوبه
2- به اشياء ما نقدر نعممها او نفرضها ع الكل
كلٍ له ظروفه (الموظف - المتزوجه - المرتبطه باشغال)
ومع هالشي يبون الشهاده
3- بالنسبه للاختبارات
صحيح الدكتور له حق يحط اسئله ع مستويات متباعده
بس ماله حق يجيب اسئله كنك باختبار قدرات
ليه ما يراعي انه به طلاب شيبان
يعني الاستيعاب عندهم مو مثل الشباب .. ويبون ينجحون
(مكتوب بمناهجنا لازم المعلم يراعي الفروق الفرديه..!!)
4- جامعه الملك فيصل يوم انشات نظام التعليم عن بعد
كان الغرض الوحيد هو الربح باي طريقه وهالشئ معروف
جامعه استثماريه
طيب.. استثماريه المفروض لها استراتيجيات تجيب لها الربح وبنفس الوقت تزيد من الطلاب
عشان كذا انشات مراكز كثيره بالسعوديه وبعض من دول الخليج
عشان قد ما يقدرون يحصلون ع طلاب ..!!
بس اقل شئ من هذا كله يكون به مقاااابل للطلاب
5- بالنسبه انه الجامعه ترد علينا
الجامعه ترد ع اللي لها مصلحه به .. والباقي تتجاهله
6-مشاكل البلاك بورد .. الجامعه المفروض تحرص انه يكون شغال 24 ساعه
وبالسرعه المطلوبه
الطالب عليه التحميل باي وقت يناسبه بدايه الترم او باخره ع حسب ظروفه
7-صحيح جامعتنا بها ايجابيات .. بس السلبيات طاغيه اكثر
8- بخصوص الاعتراف .. معترف بها او لا .. القطاع الاهلي موجود ويعترف بها
او تكمله الدراسه انتظاميا باي جامعه معترف بها
9- لا تنسى انه به طلاب يبون معدل عالي .. ومنهم يبون النجاح وبس
وهنا تفرق طبعا
10- انا ماراح اشكر الجامعه ع اي شئ.. لانه لكل شئ مقابل
واللي جالسيين يسوونه لنا ماهو فضل منهم
الدعوه عطني و اعطيك
الشكر لله وحده ع نعمه العقل و معاشره العقلاء
|