|
رد: ماتخيّرت .. حب الخيل . ...رسمتي لاجلكم
حسي بلوعات الليالي والأحزان
بعدين حسي بالهوى لا بغيتي
وش به يهمك لو يقولون زعلان
لو فيك ذره من الغلا ماجفيتي
يالي تقولين الخطأ زلت لسان
في زحمة الأيام ليه أختفيتي
خطاي وأن جه مدري الذنب وش كان
ليه أنتهى ذاك الغلا وأنتهيتي
وقفت في وجه الزمن قدر الأمكان
وأنتي جنح فيك الخيال وغفيتي
غلطان أنا في كل الأحوال غلطان
أسرجتلك خيل القصيد وسريتي
جيتي وقلت الجرح يوم أقبلت هان
وأنتي على الجرح القديم أرتكيتي
قلتي لي الحب أن لابد ينصان
واليوم ماكنك دقايق هويتي
شافوك حساد الهوى شوف الأعيان
يومك على رجم القصيد رقيتي
ما بان لك شي ولا بقا شي ما بان
بس أنتي اللي غافله ما دريتي
العام لك طاري بقلبي ولك شان
واليوم أحس بغلطتي لا طريتي
وأن قدر المولى وعشتي بحرمان
ومن حر لوعات التجافي بكيتي
تذكري قلب(ن) له سنين شفقان
شوفي بحقه ياكثر ما خطيتي
كل القصيد اللي أقولها على شان
تهزك الذكرى عقب ما نسيتي
|