ملتقى طلاب وطالبات جامعة الملك فيصل,جامعة الدمام - عرض مشاركة واحدة

سيد العشاق · 2013- 1- 8

اقتباس:

المشاركة الأصلية كتبت بواسطة um ibrahim

يطالبون بأسئلة سهله بحجة انهم طلاب انتساب

وفي المقابل يطالبون بنفس مميزات الطالب المنتظم
تناقض

انا عن نفسي لا اقبل بأسئله تقلل من قمتي كطالبه فالجامعه

الاخت الفاضلة الطالبة بالجامعة
ذكرتيني بالدكتور اللي لخبص باسئلته وحط لنا اسئلة مطموسة وطباعتها رديئة وقال اللي ماذاكرشي مايحلشي واسئلتي من الملزمة صح والا ايش يازلمة
والا الدكتور اللي حاط عام 1844 هـ
والا الدكتور اللي اخطاء املائية فضيعة بالانجلش لدرجة انه تحس كاتبها طالب ابتدائي
والا الاسئلة اللي مالها حل بالخيارات
والا السؤال الخورافي اللي حاط خيارين والثالث كلاهما صحيح والرابع جميع ماسبق صحيح

نحن لانطالب باسئلة سهلة او صعبه من المنهج او من خارجه
نحن نطالب باسئلة بشرية يستطيع البشر فهمها

وغير المسخرة اللي تصير يوم نستفسر ويسفهونا يقول المراقب لخويه قل لهم مانعرف الجواب حاله حال القياس؟؟؟؟

الجامعة ككيان لو يتم تطبيق ما يتواجد في الاجندة الخاصه بها بامانه لما تم التذمر منها

تقطة مهمة لاصحاب القلوب الرهيفه

وشلون تبون طالب يلتزم بمواعيد محاضرات ومشاركات وواجبات وهي ماتنزل بوقت ملتزم مثال على ذالك علم اللغة النفسي انجلش سدحونا سمستر كامل بدون مشاركات لين اخر اسبوعين
والاجتماعي ست محاضرات بدون مشاركات لاخر اسبوعين
انا حزتها تبون اذاكر احل اشارك احمل اداوم اصير سوبر مان والا جعلي اصير يوكن
وبالنسبة لسالفة لاتشوف مشاركاتك ودرجتها الا مع النتيجة
تراني طالب درجاتي موب طالب نظره شرعية من وحده خاطبها
المنتظم الذي تدعون انهم يرمون لمساواتنا به اختي العزيزة الفاضلة يشوف درجاته ويراجعها ويناقشها قبل لايتم رصدها لا وابشرك كانه ناقص ع الاي درجتين ثلاث زحلقوه بها
واحنا مانبي نقارن لكن نبي نشوفها كفاية واقفن شعر روسنا ننتظر هالنتايج
وتقبلي كلامي اختي العزيزة الفاضله الطالبة القويه