مااحلى الزمان اللي يجي شبه ممطور..
لـ الذاكرة (خمسة وعشرين عصفور)
.................... طارت وخلّت غصن الاحلام نامي
حاولت اناديها فـ إذا الصوت مبتور !
................... من قلّة الحيلة وكثثثثثثثر الأسامي
مااحلى الزمان اللي يجي شبه ممطور
................... فيه الفرح لـ ازهر يثير إهتمامي
ياما على شانه .. بنيت الرجا سور !
................... يخالط إسمنته ... بقايا عظامي !
سقف الأماني .. بات .. مابلّه النور !
................. مسكين خلّته الصباحات .. ضامي !
عايش حياته محتضن وحشة الدُور !
.................. وتقويم هجري ع الجدار الأمامي !
غيميّة الروح إمطري قُرب وشعور !
................... ماتت على الحروة سنابل غرامي
طفلك تعب فـ شحوحك يجامل الجور
................. خلّوه ربعه .. عقب طيبه / حرامي
أنا لحالي .. والشعر .. عدّة بحور !
................... والصبر قارب والهوا لون شامي
لو مرّ جنح الليل .. باالليل مغرور !
................ كيف أنعتق عن سجن زود إحترامي
ذنبي تركت القلب ( فزّاعة طيور ) !
................. وذنب الطيور تخاف من ايّ رامي
تايه فـ حُسن الظنّ مادلّني الشور !
............... تصبيرتي طول الطريق .. إنتظامي !
أحتاجك إحساسٍ نبت وسطه زهور !
................ يملا السما فتنة .. ويغري حمامي !
(الشوق) حاصرني متى وصلك يثور ؟
.................. ياشينها لاحاصر (الشوق) ايامي ! 
التعديل الأخير تم بواسطة بنت الشمري ; 2013- 1- 8 الساعة 07:26 PM
|