بصراحه موضوع الواسطه موضوع انا اشوفه عادي لأنه ثقافه مجتمع مو سلوك فردي للأسف ,,, فمثلاً لو أي واحد منكم جاه اخوه او شخص قريب ويعز عليه وطلبه مساعده او شي او خدمه منه هو يقدر عليه بكل تأكيد م راح يقصر معاه تحت مسمى الفزعه والا راح يكون حديث المجالس بالنسبه للي حوله ان م فيه خير ولو فيه خير كان نفع اهله وجماعته من منصبه او المكان اللي هو فيه ، واللي يقول الدنيا دواره بكره يطلع او يتقاعد من شغله ذا و ما راح يبقى معاه الا بياض وجهه ومساعدته لجماعته واهله واصحابه ........ الخ.,,,
أنا بالنسبه لي م اشوف فيه مشكله في الواسطه ولكن بشروط انها ما تكون ع حساب شخص ثاني يستحق بمعنى مو انك تشيل شخص من مكان عشان تحط واحد مكانه جاي بالواسطه يعني ساعده حسب الامكانيه الموجوده ولا تتعامل معاه بشكل مختلف عن غيره يعني انك تسهل عليه امور واشتراطات والشخص الثاني تتعمد تطبق عليه النظام بحذافيره بدون اي تساهل يعني قد ما تقدر ساعد حتى اللي م تعرفه كمان ,,, ولا ننسا ان الواسطه هي جزء من حياتنا اليوميه في كل شي في ابسط الامور حتى ,,, يعني في النهاية ما تضر احد ع حساب احد .