|
العين تعشق كل زين ومملوح
العين تعشق كل زين ٍ ومــمـلوح
والقلب ماله غير الاحساس مفتاح
،،،،،،
وانتي جمعتي الحس والزين بصروح
بصروحٍ اظنت في الهوى كل مجتاح
،،،،،،
يانور عيني يامـنى القـلـب والروح
قلبي لقلبك حـيل يابـنـت مرتـــــاح
،،،،،،
ودي بوصلك ياعسى الوصل مسموح
ما عدت اقوى كتــم الاسرار ياصـــاح
،،،،،،
جفني جفاه النوم والصوت مبحوح
والفكر في حظرة معاليك ســـواح
،،،،،،
كثر السهر والنوح ماضمد اجروح
قلبٍ تعـنى كله احزان واجـــــراح
،،،،،،
يابنت انا لك دفتر اشعارمـفـتـوح
نظم القوافي مالنا غيره اســلاح
،،،،،،
اوله انت وآخره وأوسط الــبــــوح
بشواق قلبي حبر الاقلام لك ســـاح
،،،،،،
امشي وجامل بعض الاصحاب بمزوح
اخشـى يبـين العشـق والعشق فضاح
،،،،،،
زولك في عيني يالغــلا وين ما اروح
اقلـق مـنامي ماتـلــذذت بــمـــراح
،،،،،،
يابنت مالي في هوى الغير مصلوح
والدمع لولا صدق الاحساس ما طاح
،،،،،،
لا تتركين القـلـب للــهم مــطـــروح
فيك الامل ياسـلـوة الــروح مــاراح
التعديل الأخير تم بواسطة برق الحيا ; 2013- 1- 9 الساعة 06:39 PM
|