ملتقى طلاب وطالبات جامعة الملك فيصل,جامعة الدمام - عرض مشاركة واحدة - دورة (زواجي مشروع حياتي) .. ل الأسئله والإستفسارات

%حصن الزعامهـ% · 2013- 1- 10

اقتباس:

المشاركة الأصلية كتبت بواسطة دنيا الغموض

بسم الله عليك طيب هدي شوي
وبعدين هذي وجهة نظررررررررر

وانا افهمه واتكلم باللي اشوفه ياخوي
ماجبت شيء من مخي وبسس

انا ماقلت بالمهر

بعضهم راتبه 8000 وصعبه يجمع مصاريق العرس ياخوي

وانا مافكرت بنفسي انا ومصاريفي

بكره بالله عليك جبت عيال وفتحت البيت

شلون بتدبرها علمني بهالوقت؟!!!!

يعني انت الحين آيدت انو ياخذ من برا عشان هاللي قلته!!!

ارجع واقول انا يوم نظرت لهالنظره نظرت لها نظره مستقبليه

مو بس بالوقت الحالي والغلاء راح يرتفع لعلمك

مافيه احد مايبي الستر
لكن وربي اشوف ناس من اهلي متزوجين وبهالراتب يعااانون تعرف شنو يعاانون

والى متى طيب !!!

بوقتنا وعندنا ماتوكل عيشش

شوف رواتب الامارات للسعوديين
شوف قطر

وشوف الفرق عندنا

حتى العسكريه عندهم اقل راتب 7000

وحنا مرتبه وحالته حاله وشاقي عمره وخدمه عشر طعش سنه وتوه يفحط بالراتب واصل 10000

انا اعتذر منك
وع العموم اختلاف الرآي لايفسد للود قضيه
انا قلت من وجهة نظري ومن واقع اشوفه

الله يسهلها ويستر ع بناتنا وشبابنا والمسلمين

ما أدري وش قصدك لما تقولين : هدي شوي !!

تقصدين عدد المشاركات ولا وش بالضبط ؟

إذا على المشاركات فأنتي ما شاء الله عليك أكثر وحدهـ مشاركة ومتحمسه !

حتى أنك أقتبستي مرتين ما أدري أرد على أي وحدهـ ! هههههههه

وهذا دليل حرصك الزايد بارك الله فيك وجزاك الله خير

بنسبة لي كلامي ما نقضته أبد , وأنا أحترم وجهة نظرك ووجهة نظر غيرك لا شك

لكن أنا أشوف عين التناقض في كلامك أنتي !! بكل صراحة وصدق

أنا أول ما ذكرت الماده ما عرجت على الراتب وقلت بأن ضعف الراتب هو السبب الرئيسي لا

السبب الرئيسي يا أختي :من يرفض زوج فيه جميع المواصفات وراتبه على قد حاله ويناقض حديث الرسول

السبب الرئيسي يا أختي : من صعب العقبه الأولى وطلب مهر أكثر ولا رضى براتب 4000 وحط حاجز متين من البداية

السبب الرئيسي : الطمع والجشع بكل صدق والتخلف الفكري والعادات والتقاليد

لكن لو زالت هذي الاسباب وتيسرت أمور الزواج وتزوج الشاب ولا تكلف في بداية زواجه وصفى له راتبه ال 4000 راح تدبر أمورهـ بعدها ويتكفل الله برزقه

وراح يترقاء مع الوقت وراح يتطور مره بعد مره لين يتعدل حاله ويتعدل راتبه

وفي هذي الحاله هو قادر تماماً على الكدح والصرف وتمينة أسرته بالشكل الصحيح

لكن هم يبغون مهر أقل شيء 50 الف وقاعة أقل شيء 20 وبيت مستقل واثاث وسياره جديده وووووو ............ إلخ ويقولون ال 4000 ما تكفي ولا تعيش بنتنا !!! < قمة التناقض

^

أنتم ما خليتوا الـ 4000 تتنفس حتى من طلباتكم وشيء أكيد ما راح يقدر يدبر أموره وهو دافع كل المصاريف هذي ومتحمل ديون الزواج ولا فيه أمل يصفى له راتبه ويكون 4000 بالفعل

أختي الكريمة إذا ما أنحلت المشكله من نفس أهل البنت ما راح تنحل مشكلة الشاب

إذا طبقنا حديث الرسول بحذافيره راح تزين الامور ويزين المجتمع

إذا سمعنا وطبقنا كلام معلمنا ومرشدنا الأجتماعي الرسول صلى الله عليه وسلم

ما كان أصلاً هناك شيء أسمه مشكله أجتماعيه

لكن خالفوهـ فأختلفوا

وأنا والله الذي لا إله إلا هو أني ما أتكلم عن وضعي الخاص ولله الحمد أموري تمام
أنا أتكلم بلسان الكثير من الشباب وأطرح معاناتهم الواقعيه في هذي الصفحة
وأدرك الخطر والكارثه التي تنجم عن أبتعاد أو تأخر الشباب عن الزواج