المشاركة الأصلية كتبت بواسطة شاعر رايق

كلام الاخت دنيا الغموض واقعي جداً وانا والله ماتابعت نقاشكم من البدايه

واسمحولي بشارككم بهذه الجزئيه :
وابداء من اول يوم عمل لمواطن سعودي راتبه 4000 ريال

البدايه الشاب يبي سياره وبيكون سعرها اقل شي 50 الف ريال
يعني على 60 شهر مع فائدة البنك بيكون المبلغ 60 الف ريال .
يعني ماراح يفكر بالزواج الا بعد خمس سنوات مع نهاية القرض
باقي 3000 ريال ... من المستحيل ان يبقى منها شي ..بتروح مصاريف شباب ومساعدات للاهل وماتكفيه حتى ولا عشر ايام ..... ويرجع يتسلف ويسدد من الراتب اللي بعده
________________
بعد مرور خمس سنوات زاد الراتب بالتعديل السنوي بمعدل 300 ريال للسنه

وصار الراتب 5500 ريال صافي بدون قرض

الحين الشاب يبغى يتزوج
خطب وكتب العقد بمهر 20 الف مثلا ... وطلب قرض زواج من بنك التسليف وعطوه البنك 45 الف ريال بقسط شهري 750 ريال شهرياً

دفع 20 الف ريال مهر و بقي 25 الف ريال اثاث للبيت

الراتب 5500 مخصوم منه قسط الزواج يعني 4750 ريال صافي
نروح للايجار 1500 ريال ايجار الشقه شهرياً
بقي من الراتب 3250 ريال فقط صافي
الاقارب والاهل تكفلوا بمراسم الزواج من الى على حسب عاداتهم وطبيعة كل عائله .
تم الزواج
1000ريال مقاضي المطبخ فقط
300 ريال جوال الزواج
300 ريال جوال الزوجه
300 ريال مصروف للزوجه
500 ريال للضروف الطارئه
150 ريال الكهرب
700 ريال باقي الراتب مصاريف باقي الشهر

طبعاً الزوجه لازم توفر من المصروف حقها مبلغ للمناسبات يعني تحاول تقتصد

^
هذا هو حال اللي يبي يتزوج وراتبه 4000 ريال بعد خمس سنوات يكون كذا ...

ونصيحه :لكل شاب وشابه لاتتزوج الا من اللي بمستواك بكل شي
تقدرك وتقدرها وحالكم من بعضه

وعمر الراتب ماكان عقبه امام الزواج ....

هذا مااحبب مشاركتم فيه وان اصبت فمن الله وان اخطئت فمن نفسي والشيطان

تقبلوا مرووري
وعلى المحبة نلتقي