ملتقى طلاب وطالبات جامعة الملك فيصل,جامعة الدمام - عرض مشاركة واحدة - *هم نور البيت والخيــــــــر والبركـــــــــــة*//لذلك هم يستحقون منا أعلى درجات الأحترام والتقدير...

تيتشر ريماز · 2013- 1- 11

اقتباس:

المشاركة الأصلية كتبت بواسطة سلطان الشمال

عليكم السلام ورحمة الله وبركاته

ايو الله انك صادقه ,, نقاط مهمه وثمينه عن من نفديهم بأرواحنا ,, الله يطيل بأعمارهم بالراحه والسعاده ...

ذكرتيني ياريماز بنقطه سمعتها من احد الشباب قالي بأن بعض الشيبان هالوقت يحسون بشيء من القهر الداخلي !! قلت كيف وضح ؟؟ قال اخوانك وخواتك اذا جلسو مع والديك كيف وضعهم احيانا ً !! تحصلهم بجوالاتهم شغالين تشات او تويتر او ... الخ , والوالدين بس يناظرون ... والا في المناسبات تحصل الشباب يسولفون مع بعض وارسلي وارسلك والشيبان تحصلهم كل واحد يناظر بالثاني من بعيد !!!
بعض الشيبان يحسون انهم في جيل آخر وان من كان يونسهم من اصدقائهم رقدوا تحت التراب لذلك تجد منهم من يحن لأن يكون في بطن الارض !!

يجب علينا كما ذكرت الاخت ريماز ان نحث الصغار والكبار بأن اذا كان الوالد والوالده ومن في منزلتهم حاضر , ان نترك جميع مايشغلنا عنهم وان يكون همنا اسعادهم والترويح عنهم ...

آسف جدا ً على الاسترسال , موضوعك كافي ووافي ...

شكرا ً اختي ريماز على هاللفته المباركه , لاتحريمننا حديدك

شكرا على الاظافة المهمة.بالفعل اذا تجمعنا عند جداني الاحظ هالحركة من الكل وتضايقني صراحة مفروض الواحد اذا راح عند احد وخصوصا كبار السن يترك الجوال ولاينشغل به لانهم يتضايقون وادنى مايحسهم فالمفروض نراعي هالجانب واذا الواحد بجي وبيجلس على جواله يجلس ببيته احسن ..شكرا على مرورك وتعليقك الله يعطيك العافية