المشكله ان الاغلب ينظر على ان فائده الشهاده للوظيفه وبس
لو يوقف الانسان مع نفسه شوي ويفكر بعقلانيه
كم طالب وطالبه تخرجوا من الجامعه سواء انتظام او انتساب
لحد اللحين مو محصلين وظايف !
يعني امر التوظيف علمه عند ربي
والجميع يشوف بالمجتمع ما شاء الله نماذج لناس اعلى مستوى دراسي وصلوا له الثانوي ومع هذا متوظفين
يعني الشغله كلها رزق من رب العالمين لاتشغلون نفسكم ب الحكي هذا
ولاتنسون المثل اللي يقول ( لو تجري جري الوحوش غير رزقك ماتحوش )
عشان نعطي اكثر ونستمتع ب الشي اللي احنا نسويه
لازم نغير النظره اللي احنا عايشين فيها
الشهاده لو مانفعتك بوظيفه نفعتك بعلم ومعرفه وزادت من ثقافتك واطلاعك
ركزوا نظرتكم على الجانب هذا انك هنا عشان تزيد من معلوماتك وترتقى بنفسك
اسعوا لشي يرضى انفسكم ويرضى طموحكم
واخلصوا النيه لله و اكثروا من شكره اللي يسر لك امر هالدراسه
بجد دراسه موفره فيها كافه وسائل الراحه انت في بيتك
بين اولادك بين اهلك مع زوجك مع زوجتك
ومع هذا جالس تدرس وتقدر تطلع على محاضراتك عن طريق شاشه وانت بمكانك
برضوا تقدر تعيد اي شيء ماتفهمه
مافي دكتور او دكتوره فوق راسك او متسلط عليك الكل سوا ومافي اي تمميز بين الطلاب
التميز فقط يتمثل فيك
تقدر تكون الافضل بجهدك وبدون اي ظلم لك ماتقدر تقول لا والله فلان متسلط علي فلان ظالمني
هنا بس تثبت نفسك بنفسك
عيشوا هالحماس مع انفسكم حبوا الشي اللي تسونه وصدقوني راح تكونوا الافضل
واسفه لاني طولت بالحكي
وشكرا لصاحب الموضوع فعلا الموضوع جميل جدا وجاء بوقته ،.
بالتوفيق جميعا