مداخله جديده
الحين انا استغرب من بعض الاباء طيب انت ناوي تزوج بنتك
والرجل الي تقدم لها اكيد بعد ما تأكدت منه انه يستحق الزواج
طيب ليه تطلب مهر باهض يعني مثال تطلب 50 الف مهر
طيب الزوج يبي يستاجر له شقه ويفرشها من والى ورح تكلفه اقل شي 50 الف
طيب عنده قصر افرح + تكاليف الزواج الاخر ممكن مع القصر توصل اقل شي 50 الف
طيب اصبح المجموع 150 الف .....
طيب الان اصبحت ابنتك عنده في عش الزوجيه طيب ابنتك تبي تلبس احسن لبس
وتبي تاكل من افضل مطعم وتبي تستمتع بحياتها مع زوجها
طبعا هذا موجود عند جميع الشباب السعودي
اول 3 اشهر من الزواج فله ووناسه والي تطلب الزوجه يجيبه لها
الزوج المسكين عليه ديون واقصاد تخصم من راتبه كل شهر + اجار الشقه
ومع مرور الوقت اصبح الزوج عاجز عن دفع مصاريف البيت واحتياجات الزوجه
والسبب غلا المهور والتفاخر بقاعات الافراح .
طيب حبيبي الاب هل فكرت في ابنتك مع زوجها كيف تكون عيشتها اذا كان الزوج مديون
وضروفه صعبه . تأكد عزيزي الاب ان الزوج حين ماياكل من افضل المطاعم فأن ابنتك سوف تاكل معه
وعندما ياكل فول وتميس فأن ابنتك سوف تدمن على الفول ... 
وعند ما يلبس افضل لبس فسوف تلبس ابنتك من ارقاالماركات
طبعا اخواني انا تكلمت معكم بالغه العاميه ليكي يكون كلامي اكثر وضوح
انا اتمنى من الاباء ان يخافو الله . وان يحاولو بقدر المستطاع تخفيظ المهور
وان يضعو شرط على الزوج وهو في حالة اذا كان الزوج غير كفؤ لزواج بدفع مبلغ 50 الف مؤاخر
اما المهر فلا يتعدى30 الف وحفل الزفاف يكون مختصر وعدم تكلفة الزوج فوق المستطاع
الا اذا كان انسان مقتدر فلاباس
والله يكتب لكم الخيرجميعا