المشاركة الأصلية كتبت بواسطة al7sass88 مرحبا حلم ملوك وش رايك في فطوووووووووومة كتبت الموضوع وانحاشت وان متأكد انها راحت ماشاء الله ماشاء الله ماشاءالله تتعشاء ههههههههههههههههههههههههههههه

اي صح رحت اتعشى بعد وقت عشااء وش تسوي النااس تعشيت وعشيت اخواني

قايله لكم هالولد معلق على موضوع الاكل عندي مادري وش فيه

المهم نرجع لموضوعنا


شوووووووووكراً ياقلبي يادنووي على المشااركه وشكراً على اختياري مع انو اصعب الاشيااء عندي الرد على مثل هالاسئله <<<تحب تسأل ماتنسأل ^^

....




1- ماذا فعلت قبل ساعه من الآن ؟

كنت اتعشى وطوولت عليكم لاني رتبت المطبخ وكذا بعد العشااء وجلست مع اهلي على دله زنجبيل وجمعه وسوااالف وتلفزيون ^^


2- أقصر مهمه يوميه تقومــ/ــين بها ؟

امممممم

مافي شئ كل مهمااتي طويله ماشاء الله


3- أطول مده تبقي/ن فيها أمام الكمبيوتر ؟

5 او 6 ساعات عاادي ماعندك مشكله


4- كلمه تحبـ/ـين سماعها كل صباح ؟

كل يوم اذا صحيت تقول لي امي يالبى قلبها " صحى النوم ياقلبي " اذا ماسمعتها منها ابقى على اعصاابي طوول اليووم خايفه انو امي معصبه علي في شئ ماادري عنه ^^


5- كلمه تكرهـ/ـين سماهعها في أي وقت ؟

كلمه " ليش " كرهني فيها اخوي الصغير من يوومه ابو 5 سنواات وهاللحين عمره 10 سنواات الله يحفظه كل ماقلت له شئ يقول "ليش" حتى اذا قلت ابشرب ماي يسألني "ليش "


6- أحلى صفه لديك ؟

فيني شوويه مرح مادري لامستوه فيني او لاء ^^


7- عيب شخصي تعترفـ/ـين فيه ؟

مااحب اسمع سواالف كثيره ممكن اشرد عن اللي يكلمني ويعرف اني مليت من الموضوع او مالي خلق مااحب اسمع السوالف الطويله خصوصاً اللي ماتهمني


8- كيف تعبر /ـين عن غضبك ؟

اتحلطم شووي واسكت ماانطق بأي شئ وامسك كامي واصوور اي شئ عشاان ارتااح نفسياً او اكل لي شوكولاته


9- كيف تعبر/ـين عن فرحك ؟

اذا جاني شئ يفرحني تشتغل عندي هستيريه الضحك وادور التنكت واقلب اي موضوع الى مزح


10- هل أنت صريح /ـه أو كتوم/ـه ؟

غالباً كتوومه لكن اذا انفجرت مافي احد صريح كثري ومااثمن كلمتي


11- هل تجاملين ؟

مو دايماً ولا في كل شئ بعض الاموور ماتتحمل مجاملات وبعضها عاادي


12- كيف تعبر/ـين عن رفضك ؟

اقول ماودي بإبتساامه خفيفه وبنفس الوقت اقول " الا اذا ودكم عاادي بس ماودي "


13- أحب زاويه إليك في البيت ؟

مكاني اللي جالسه فيه <<<يعني شافوك وين جالسه

صاله بيتنا وفي مكاان معين دايما اجلس فيه اياام الدرااسه وهاللحين جالسه فيه


14- أحب شئ في مكان عملك ؟


ماحصل لي شغل ^^


15- أقرب صديق أو صديقه ؟

مافي صديقاتي بثاانوي انقطع اتصالي فيهم وحتى الصديقات اللي صارو عندي بأيام الكليه انقطعت علاقتي فيهم مو برضانا غصب عنا وحكم الزمن


16 - أغلى ماتملك /ـين؟

" أمي " لبى قلبها و"اخواني واخوااتي "

و" ناس لهم مكاانه خاصه بقلبي


17- لحظة أبكتك ؟

كذا مره اشووف الوالده تبكي بسبب جوور الزمن والناس من حولنا والقهر انهم من لحمنا ودمنا الله يشغلهم بنفسهم عنا


18 - ذكرى لاتنساها ؟

وفااه " ولد خالي " اغلى انساان واعز انساان عندي بهالدنيا وماراح انسى مكاانته بقلبي توفى العام الماضي بالصيفيه وهو توه شبااب توفى ليله ذكرى زواجه

ووفاه " عمتي " انساانه عزيزه وغاليه لها اكثر من 7سنوات من توفت لكن كل مره اذكرها تخنقني العبره

الله يرحمهم


19 - معركه ربحتها ؟

انجازي لمشرووع التخرج اعتبره معركه والحمد لله نجحنا فيه وفزنا مادري المركز الاول او االثاني لكن اختارو مشروعين فقط ومن ضمنهم مشروعنا


20 - معركه خسرتها ؟


كثيييييييير للأسف


21- كلمه عن الاصدقاء القدامى ؟


الله يوفقكم ويهنيكم وين ماكنتم واذا انتم نسيتوني انا مانسيتكم


22- كم مره تأكل/ـين في اليوم ؟

على حسب احيانا اكل ثلاث وجباات واحيانا واحده او 2 مالي عدد محدد


23- كم كأس ماء تشرب /ـين ؟

والله مااحسبهم لكن احيانا ممكن يمر يوم كامل مااشرب ولا كاس خصوصاً بأيام الشتااء اشرب مشرووبات سااخنه كثيره


24 -كم مره تبد/ـين مظهرك في اليوم ؟

على فكره هاذي تبدل لكن ماانكتبت معي صح ^^

ماابدل البس اللي ابقى البسه من البداايه وبس اهتمامي باللبس والشكل قليل اهم شئ مرتب وبس


25 - شئ تحرص /ـين على حمله في كل مكان ؟

كامي العزيزه ماابي يطوفني شئ حتى اخر يوم اختبار اخذتها معي وخليتها بالسيااره


26 - شريط أو اسطوانه او مقطع صوتي تعيد /ـين سماعها في سيارتك او البيت ؟

ماني بالحيل مع الصوتيات مافي شئ معين اسمعه


27- شخص لايمكنك أن تصادقـ/ـيـ /ــه ؟

المناافق ابو وجهين من قداامك يعطيك لساانه يقطر عسل ومن ورااك لسانه سم عليك


28 - عباره او حكمه تعجبك ؟

كثيير ومو حاضرني منها شئ الا

كلن بعقله راضي


29 - آخر لحظة انزعجت بها ؟

اممم

احاول قد مااقدر ماانزعج واعكر مزااجي

لكن الذباب مايخلي فيك اعصااب هايج علينا بشكل مو طبيعي وتعبااان يحووس حوولك ودك تشنق نفسك


30 - آخر لحظة فرحت بها ؟


امي عندها بضااعه وتترزق الله فيها وتخيط خيااطه ماهره ماشاء الله كل ماقالت لي دخلت من البضاااعه هالكثر افرح لها من قلبي ^^




.......



كنت بخلي اجابتي لبكره بس قالو انحشت قلت مابي يطنون اني اتهرب او اكل على قوله الحساس ياخوفي بعد يظن اني طوول الليله بالمطبخ



المهم اختار بعدي شخصيه بما انكم رشحتوه

....


تفضل المايك

" شخصيه مجهوله "

....