السلام عليكم ياحلوين
ابغا استشيركم في جدولي الي طلع عيني وحابكيييييييييييي اخر شي واصيييييح
انا باقيلي من مواد مستوى 2 انجليزي
ومن مستوى ثالث اساسيات المحاسبه الادارية والتكاليف ما اخدتها لاني اخدت بدالها الاساليب الكميه من مستوى رابع نصحتني فيها وحده انها سهله والحمدلله كانت حلوه المادة
بس الضريبه اني اتورطت دحين في اساسيات المحاسبه لمن سويت جدولي طلع بدا الشكل ومره ضغط
اليوم الثاني الاربعاء ادارة موارد بشريه - فترة اولى
اليوم الرابع السبت ادارة اعمال دوليه - فترة ثانية ( ماعرفت ايش احط كل مااختار مادة يطلع عندي فنفس اليوم ماده تانيه او قبلها فاخترت دي الماده )
اليوم السابع الثلاثاء انجليزي
اليوم الثامن الاربعاء اساسيات المحاسبة الاداريه والتكاليف - فترة ثانيه
اليوم التاسع الخميس ادارة ماليه 2 - فترة اولى
اليوم العاشر ادارة تسويق - فترة اولى
اليوم الثاني عشر الاثنين تحليل احصائي - فترة ثانية
حيكون عندي 4 ايام ورا بعض الانجليزي وادارة التسويق مو شايله همهم حيعدو ان شاء الله
بس اساسيات المحاسبه والاداره الماليه مرررره احسو ضغط
ياريت الي اخدو مادة اساسيات المحاسبه يفيدوني كيف كانت مدى صعوبتها ويمديني اوفق بين المادتين ورا بعض في حال مسكتها من بدري ولا لا
مو حابه أأجلها اكتر من كدا عشان لا يطلعلي تعارض المستويات الجيا ابغا اشطب على مواد المستويات الي راحت كلها
مهارات البحث والتفكير راح أأجلها كمان مستوى او مستوين على حسب
بالنسبه لمواد مستوى سابع انتبهو مادة موضوعات خاصه في الاداره خاصه بالدبلوم فقط
ومادة تعاقد وتفاوض نفس الشي للدبلوم
المادتين الي نزلت للبكالريوس نظرية المنظمات وبحوث الاعمال اذا ماكنت غلطانه
ياريت تفيدوني وتشورو عليا