|
أكـاديـمـي ألـمـاسـي
|
رد: هنآ / طريقه آستخرآج الرقم السري " للطلبه الجدد " + اجابه على استفساراتكم ..
اقتباس:
المشاركة الأصلية كتبت بواسطة زهووورالعشب
العفو اخووووي انا حبيت اشارك برايي وافيد الجميع والششكر لله ثم الاخوان المتعاونين بهالمنتدى
ثانيا قبل سنتين تقريبا وانا اتابع المنتدى عجبني موضوع ومحتفظه فيه للحيين  لاتلوموني بس من حرصي لاني ناويه ادرس فقاعده اتابع واستفيد والله يمكن من سنتين او ثلاث حتى  ماطول عليكم راح انقل لكم الموضوع واستفيدوا منه وهي طريقه نموذجيه للدراسه ومنقووووله جزاالله خير من افادنا بها تفضلو
الطريقة بكل سهوله .. صعبه 
ولا تنفع مع الكسوووول مع احترامي الشخصي له .. وترا الكسول ما تنفع له ولا طريقه :no2:
وقسم بالله لو تجرب هالطريقة اسبوع بس ,, راح تدعي لي ,,
الطريقه ..:
1- يومياً ساعتين لماده محدده .. جدول ظروري .. ولازم كل الي في البيت يعرفوا ان عبسي أو لينا << اسمائكم طبعاً  هذا في هالوقت عنده دراسه لا احد يقاطعه ولا يزعجه ولا هوب ناقص قلق ,,  ..
ماذا يحدث في هالساعتين ..
غلطكم كلكم وغلطتي في الترم السابق , . ووالله اني احذركم من هالغلطه ,, الي هي :
الانترنت بحر ,, أعرف انك اذا دخلت الانترنت في هالساعتين بس للمحاضره (( للماده الي انت داخل على شانها )) فقط :103: هالساعتين مو للمنتدى ولا لليوتيوب ولا لفلكر ولا للفيس بوك ,, هذي للمحاضره او للماده ,, اذا خلصت منها عاد ادشر في الانترنت بكيفك << ماقلت شي
2- شغلت الجهاز وفتحت البلاك بورد ,, يجب ان يكون معك أقلام (( احمرازرقأخضر أسود )) وقلم رصاص .. وطبعاً دفتر ابو 200 لكل ماده ,,
أنصحكم بطاولة كمبيوتر فيها مسافه للكتابه ,, وبسماعة اذن اثناء سماع المحاضره ,,
أفتح المحاضره .. خل الدكتور يتكلم في النقطه الي هو يتكلم عنها ,, أفهمها (( لا تكتب و الدكتور يشرح )) افهم الي يقوله ... اذا فهمتها وقف المحاضره بضغط على الي يوقف المحاضره ,, اكتب الي فهمته الحين ,, وانت تكتب حاول تحط بالالوان مثل العناوين المواضيع الرئيسيه بلون و المحتوى بلون ثاني وهكذا .. اذا ما فهمته رجع المحاضره لبداية النقطه الي تكلم منها الدكتور ,, وبعد ما تفهمها اكتب الي فهمته .. تعريف .. طرق .. خصائص ,, الززي منووو :150:
اذا خلصت المحاضره ,, استرخي على اي كنبه خمس دقائق ,, ارجع اقراء الي كتبته ,,
^
^^
لعيال النعمه استرخي على كنبه والي مثل حالتي طبطح في المقلط
خلصت من محاضرة اليوم ,,
بالنسبه لمحاضرات المحاسبه : حقيقه طريقة الدكتور في قراءة الفصول قبل حضور المحاضره روعه
بالنسبه للرياضيات : مسائل الواجب تفهمك المسائل غصب ,,
بالنسبه للقانون الاقتصاد والاداره : يبي لك بندووول ... او سابوفين .. ظروري بعد كل محاضره
وهالثلاث مواد اذا حضرت محاضرتهم الافضل ما تكون مرهق ..
اقدر احتفظ بهالطريقه لوحدي ويمكن واجد يستخدمها ... حبيت اشاركم فيها لمصلحتكم ,,
هذا ما عندي وشكراً
أخوكم/ علي
|
زهور حبيبتي تراني انثى زيك .. ايش قصة هالمنتدى من دخلت و هم يقولون لي اخوي .. مشكور اخوي ،يعطيك العافيه اخوي ......الخ و شوفيني رازه كلمة انثى في بيناتي ..
شكلنا خربنا موضوع دودي .. و خرج الكلام عن نطاق الموضوع .. لهذا انا اعتذر .. زهور بقولك عن طريقتي في موضوع ثاني إن شاء الله ..
|