ملتقى طلاب وطالبات جامعة الملك فيصل,جامعة الدمام - عرض مشاركة واحدة

الريم القحطاني · 2013- 1- 14

اقتباس:

المشاركة الأصلية كتبت بواسطة rabbit

التعليم عن بعد اصبح بديل للانتساب وجميع الجامعات في المملكة اصبحت تطبقه هذا اول شيء .
ثاني شيء اختي معلمة وعن طريق الانتساب عن بعد في احد الجامعات هنا قدمت على الماجستير وعشان يكون كلامي مباشر عدلو لها الدرجة حقتها بعد ما خلصت الماجستير يعني حطوها الان في الدرجة السادسة يعني اللي يقول لطالب ان درجته غير معترف فيها هذا عايش على الاخبار من القناة الاولى السعودية للان لانه باختصار عندي مثال مباشر وفي التعليم وقبلو الماجستير حقتها رغم انها عن بعد . بعدين كيف غير معترف فيها والان في الخدمة المدنية اصبح خيار انتساب عن بعد من ضمن الخيارات واصلاً احنا شهادتها بتكون انساب عادي < تقليدي حسب وعد العمادة لنا من سنوات .
فيه فرق بين الاعتراف بالشهادة وبين انه انا كوزارة تربية وتعليم ما اقبل غير منتظمين بإستثناء الانجليزي !
واصلا لو جلسو على المنتظمين معناته الدراسة عن بعد والانتساب ايش فايدة اعتمادها في تخصصات تعليمية ؟ ووزارة التعليم عشان نكون واضحين متخبطه وكل فتره لها وزير وفيه احتمالية يطير وزيرها ذا يعني ماهي مستقرة لا هي ولا قراراتها . فخلو الخدمة المدنية تكون قدامنا ونشوف وللعلم الترم الثاني بنهايته تكون اول دفعة تخرجت من هنا بعدد بسيط وراح نشوف ردود الفعل عن شهادتهم وتقديمها وبعد الترم الجاي > الترم الاول بتتخرج دفعة عددها مره مره كبير واتوقع هذه الدفعة منها راح تعرفون كل شي عن الشهادة وايش افضل جامعة تعطي تعليم عن بعد وكذا . يعني اكيد لو طلعت الشهادة مالها قيمة بيصل لك اللي يصير معنا مثل الصاروخ واصلا مصير الانتساب عن بعد للبكالوريوس راح يتحدد بعد ترم او ترمين من الان يعني الترم الجاي واللي عقبه .
وعلى فكره ترى كثير جدا بنات هنا معلمات بالدبلوم وعددهم جدا كبير واعتقد تعديل الدرجات في الوزارة انه امره سهل وبسيط . لكن الكلام عن هل راح يقبلون معلمين جدد من طلاب البكالوريوس بشهادة المنتسبين !
بخصوص طلاب جامعة الملك عبد العزيز .
اول شي جامعة الملك عبد العزيز من يومها مشكلتها التربوي والدبلوم التربوي وحتى المنتظمين كثير منهم اخذه برا الجامعة . وهنا فيه تربوي في كليات التربية .
ثاني شي جامعة الملك عبد العزيز ما شفت طالب قال الخدمة المدنية رفضت تسجيلي ؟ الكل يجيب لك كلام موظفين في شئون تعليمية في ادارات تعليم وناس ما احد يشره عليها ويقولون غير معترف . هل اختبر الطالب قدرات ؟ هل جابت درجة مقبولة ؟ هل قدم في الخدمة واستبعدوه ؟

وعموما لازم تشوفون صدام واخذ ورد وشكاوي وغيره لين يصل الطلاب لكامل حقوقهم .

الله على كلامك .. يبرد الخاطر و يثلج الصدر
و مثل ما قلتي محد عارف وش يصير بكره
الدنيا بكبرها كل يوم صاير فيها شي

اسعدني مرورك يالغالية