bـآككً

\

\

المهمً - قِمت من الكرسي وقلت شوفو اللي بعده ..!! شكل راعي الرقم طلع من الاستاد <<- العن ام التمويه اللي تعرفه


وشوي واطالع بخويي واقول بصوت مبحوح يا ولد التذكره معااي والجائزة لا تطير مني .. قال اسمعني خل نفسك مريض ودايخ وكأأننآآً طالعين من الاستاد .. واذا قربنا عند العسكر نعلمهم ان التذكره معناً ..
-عدينا اول مدرج بسلامه ..!!
ثاني مدرج نقز منهم واحد وقال : حدوهم حدوهم التذكره معااهم .. وانا احط رجلي للعسكر ويوم اقبلت عليهم كاني شايف الجنه .. قلت التذكره معي يا جنود الوطن .. ويوم صرت بايدي امينه .. ومتوجه استلم الجائزة .. ويمسكني واحد وقالي خذ لك شيك بـ30 الف وتوكل على الله وعطني التذكرة .. قلت له يابن الحلال اطلع من مخي .. قال طـعـنيِ واسمع كلامي ترى بتندم .. قلت يابن الحلال انت تبي تسررقنيِ .. قالي بصرك وعساك ما تتهنا فيها .. المهم نزلت للاستاد ويصفقون لي الجمهور ذيك الصفقة اللي تحس انك ملك المملكة العربية السعودية .. يوم اقبلت على الجائزة عطيتهم اثباتي والتذكره وتاكدوآ من كل شيء .. وقالوآ تعال للغرفه واستلم جائزتك .. قلت ابشرو .. يوم خشيت للغرفه الا واشوف سيارة فرنسية لونها آزرق .. قلت وش جاب سيارة هارديز هنا .. قآلو إحمد ربك وعظ على شحمه وترى هذي لك


رضيت باألآمرِ ألوآقع .. ووقعت على ورقة الاستلام .. وكآنت لحظات رهيبة .. شكيت بوقتها اني دروغبا موقع على عقد انتقاله لنادي الشعلهً <<<<

اخذت سيارة توصيل الطلبات وفكرت اني اقلبها حقل تجارب لاخوي الصغير

لانه يبي يصير مهندس اذا كبر .. << اقص خشمي اذا ما طلع جندي بالحاير


بعد مرور 3 اسابيع على استلام الجائزة

يتصل عليّ اخوي ويقول مرني عند المرور .. قلت وش عندك .. قال صدمت على السيكل قلت اي سيكل .. قال السيكل الازرق قلت ترااب في فمك

ذلفتِ للمرور .. وطلع الخطأ على اخوي 100% .. والسيارة الثانيه طلعت مازدا موديلها 85 وما جاها اي شيء .. الا استغفرالله مشخه خفيفه بالجنب الايمن

والسيكل الازرق .. راحت للتشليح بـ 1000 ريال

ما يستفاد من هـ الموقفِ

- انحش عن الحرام .. قبل لا تنحش منه

- الطمع ما يمدحونه ..

- ترى السرعه ما منها خير ..

- من طلب العلا سهر الليالي

- يا شين الفضاوة بس

\

اللي يبيِ يشوف النتاايجِ تراهاً على هالراابطِ >>>> اضغط هنااً