اتذكر العقيده كان عقده بالنسبه لي ما ادري الآن الدكتور تغير والا نفسه
الدليل في ناحيه والكلام في ناحيه ثانيه والملزمه اغلبها دروس ما شرحها
بالنسبه لتخصص الانجليزي مو صعب لكن ما اقول لك سهل اكيد مع التقدم في المستويات راح تصادف بعض المواد اللي تخليك تشد وفي نفس الوقت في مواد من زود ماهي ممتعه ودك لو تدرسها ثانيه
نصيحه لا تضيع لك اي فرصه في رفع المعدل سواء بماده عامه او ماده تخصص
بالنسبه للمواد اللي راح تحصل فيها صعوبه او بمعنى أصح راح تحتاج منك مجهود أكبر مادة قراءات ومطالعات وهذي المادة فيها كميه كبيرة من المفردات اللي لازم تحفظها لانك مع الوقت راح تصادفها في مواد ثانيه يعني تميزك في هالمواد يعتمد على حفظك للكلمات
في مادة الادب اتذكر الدكتور عقدها واستنزفت منا مجهود ودرجات لكن الدكتور على حسب علمي تغير.
في مادة صوتيات هذي الماده تحتاج تمارين وحفظ وفهم من البدايه لكنها مع الحفظ والتطبيق راح تكون ممتعه للغايه بالنسبه لي حبيتها حسيتها عالم ثاني خاص بنا المتخصصين في الانجليزي
مواد ممتعه مثل استماع واستيعاب ومواد الدكتور الن يشغلون مسجله وتفهم السؤال وتحله
مواد الدكتور عبد الجواد النادي قصصيه او روايات خلينا نقول، راح تتابع سهله وحلوه
بشكل عام التخصص حلو واكيد انت ما دخلت الا علشان تتعلم، صح؟
بالتوفيق