2013- 1- 16
|
#22
|
:: المراقب العام :: الساحة العامة
|
رد: جــــــدول الخــواطـــر ~~~~
أحب الناس الرايقة
اللي ما يعصبون إلا علي شي كبير
ما يحتاج أحاسب على تصرفاتي معاهم كثير
ومالي خلق العصبيين
الجلسة معاهم تخنقني
لا زم أحسب حساب لكل كلمة وكل نظرة
بس مرة كلمة قالها رجال من عيلتنا في وسط سوالف مع شخص ثاني, خلتني أعيد النظر في علاقاتي
كلمته كانت " اللي ما يزعل - مايحس"
ولاحظت صحيح الناس اللي أحب أجلس معاهم اللي هم ما يزعلون بسرعة, عندهم برود مشاعر مو طبيعي
والناس العصبيين عصبيتهم وزعلهم تكون على قد رهف إحساسهم
وهالشي هو اللي فسر لي حب كثير من الحريم للمسلسلات اللي في رأيي هي مسلسلات نكد
وحب البنات لكرتون سالي (أكره هذا المسلسل)
وفعلا في أول أيام الزواج كنت أستغرب من حساسية زوجتي وزعلها السريع على أشياء أحسها طبيعية جدا وعمر الشلة ما زعلوا منها, بل بالعكس كانوا يضحكون.
فحسيت عندي معادلة في معاشرة الناس
مقدار الإحساس = مقدار الزعل والعصبية
وطبعا فرط الإحساس مو شيء طيب ولا البرود أيضا شيء طيب
مساكم محبة وروقان
|
|
|
|