|
أتثاقل خطوتي والرجل يحداها المسير ... للحبيب اللي نهض عزمه وعن عيني سرا ..!
بعد السلام
.
.
كانت ..
إرتجالية في حينها الذي كتبت به
تلتمس مِنكم القبول ..
.
.
[poem=font="traditional arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اتلمّس .. في دجى الظلما دهاليز الضمير =وأتدبّر وأتفّكر .. وألتفت قدم و ورا
واتكاثر .. ضيقة الخفاق والدرب العسير = واتحاشى .. عن هوى الغربي وأدورلي ذرا
وأتثاقل .. خطوتي والرجل يحداها المسير = للحبيب .. اللي نهض عزمه وعن عيني سرا
جيت له .. والليل دلقس في تعاريف الضرير = وازدريته .. في عيونٍ ما لقت حلو الكرا
ثم نشدته .. عن معاويق المُعذبْ والكسير =والغريب .. اللي توّلع واشلعت قلبه مرا
ليه دمعاته .. تهادت وأصبحت مثل الغدير =والهبايب .. من طربها تقبل وترجع ورا
وليه جسمه .. لاتناهض واصفقه لفح الهجير = شلهبت .. مجمل ضلوعه واشعمت فيه اجمرا
وليه حبك .. لا عرضله لاعب غصون الشعير = والغصون .. اليّا تدلت عاتبت عرق الثرا
المحبه .. سرمدية والهجر بئس المصير = والرشيدي .. من قهر صدك على وضعه زرا
لاتراخى .. في وصالك وألبس الثوب الحرير = ثوباً مرتب .. وضافي زاهي اللون اخضرا
مد وصلك .. وأحسن الهقوات واستاق البشير = وعل حايل .. عقب طيبه والخُبر شعري ترا [/poem]
.
.
.
.
التعديل الأخير تم بواسطة ذيبان الرشيدي ; 2013- 1- 16 الساعة 03:32 PM
|