لعيون بعض الناس حشمه وتقدير
ونحب نعرف من غلاها خبرها
يعني غيابك يا حبيبي مخاسير
والعين تتعبني بكثرة سهرها
منك انت ابسمع دوم تصبح على خير
تبغى تنام العين يا اغلى بشرها
ترى بعد هاليوم ما اقبل معاذير
يا زينة ايامي وزينة شهرها
احبك وبعطيك للحب تصوير
لا تحرم النحله تعانق زهرها
ليتك معي دايم ولا تعرف الغير
قربك متاع ويفقدك من خسرها
تعال لا تطول علي المشاوير
ترى السفن ما تمشي الا فبحرها
واذا سمح وقتك عن الناس بنطير
أبغى عواذلنا تموت ءبقهرها