|
بتفصيل درجاتي و بعض مواد اداره الاعمال لتسجيل المقررات
السلام عليكم
الحمد لله خلص الترم و اخذنا نتايجه فيه ناس مبسوطه وفيه ناس تحس انها مقصره وناس يحسون بالظلم
انسو اللي فات وعلينا باللي جاي
هذا الموضوع نبي كل واحد يقول لنا تجربته ببعض المواد ويعطينا نبذا عنها وعن مدرس المواد وعن اختبارها وصعوبه الماده
محتاجين نعرف عن المواد اللي نبي ننزلها الترم الجاي
انا راح ابدا بنفسي
ماده مهاره البحث والتفكير
ماده سهله جدا جدا
المدرس جاب اسأله صعبه وحاول يلف بالاسأله بس ما طلع برا المنهج ابد
بعد نزول الاختبارات السابقه انصح ان الكل ينزلها لان المدرس وضح فكره اختباراته
اخذت بهذي الماده b واحس التقصير مني والاخطاء مني
ماده نظم المعلومات
ماده متوسطه الصعوبه
يعني اول ما تشوفها تحس انها معقده بس مع المذاكره و الاختبارات السابقه راح تفهم فكره المدرس وانصحكم فيها بذات بعد اختبارنا الترم اللي فات لانه والله اعلم ان الدكتور ما راح يقدر يطلع افكار جديده بالاختبار
اخذت بهذي الماده b+ مع العلم اني مذاكر قبل الاختبار بيومين ولا عطيتها حقها
السلوك التنظيمي
ماده سهله وتعتمد على الحفظ
المدرس خلها صعبه بسبب طريقه الاسأله في الاختبار لانه جاب في 35 سؤال خيار لا توجد الاجابه الصحيحه وهنا كانت الربكه بذات اللي مذاكر مذاكره متوسطه
انصح الجميع انه ينزل الماده هذي قبل لا يتغير المدرس و تتغير فكره الاسأله
اخذت بهذي الماده c+ واحس التقصير مني لاني ما عطيتها حقها من المذاكره
ناوي ان شاء الله الترم الجاي انزل 18 ساعه والمواد هي
موارد بشريه
الأساليب الكميه في الاداره
اساسيات المحاسبه الاداريه
اداره الاعمال الالكترونيه
اداره ماليه 1
الأحصاء في الاداره
اتمنى الكل يعطيني نبذه عن المواد اللي بنزلها
او
يعطينا نبذه عن اي ماده درسها علشان الكل يستفيد
جاء وقت الجد ونسيان الماضي وخلونا نشوف جداولنا الترم الثاني
اخوكم
الرايق2008
التعديل الأخير تم بواسطة الرايق2008 ; 2013- 1- 20 الساعة 06:52 PM
|