اشتقت لي كثير
اختي دخلت على مدونتي وقالت
الله يفشلك فشلتينا بمدونتك روحي قفليها كلها سوالف
طيب شسوي اذا انا احب اهذر وما اسكت
لا جيت اسولف مع امي غصب عني اهايط
لان ردات فعلها تعجبني واذا حست اني اهايط عليها
قلعتني من جنبها هههههههههههههههه
وابوي لا جيت اسولف معه اهذر واهذر واهذر وبالاخير يقول لي
اصه ماخليتيني اسمع العرضه زي الناس
اثاريه على العرضه وانا اللي افكر انه يسمع لي
وخواتي .. عوذا مايتسالف معهم
يحسسوني اني من عالم اخر وفيه كلمة متفقات عليها
*انتي وين عايشه* عايشه ببيت جدي طوني يعني وين عايشه
طيب انا مسكينه ابي اسولف مالي غير مدونتي
وعاد انتم مجبورين تتحملون سوالفي
^
طيب بعد هالهذرة انا عندي سالفه ابي اقولها
بس بعد ما اكبسها نومه عاد انام 11
يعني مابها قومة الا فجر الثلاثاء
مو مشكلة اهم شي انام والله يعينني على الجلد
تمسون على خير