|
رد: تجمع بنآت قسم الآحياء *جميع المستويات*
السلام عليكم
انا بتكلم عن الدكتورات والدكاتره والمعيدات الي اخذتهم في مستوى ثاني وثالث وان شاء الله افيدكم 
مستوى ثاني :
علم خليه د. رمضان
انصحكم اي وحده تلقاه تاخذ عنده .. يعطي قبل الاختبارات اسئله مراجعه ويجيب نفففففسها بالاختبار
بأختبار اعمال السنه تفلسفت وذاكرت من الكتاب وما ذاكرت اسئله المراجعه وزفت بالاختبار
اما بالنهائي ما لمست الكتاب وذاكرت الاسئله فقط وكان الاختبار اسهل منه مافي
المعيده لولوه الفريح
وين ما تلقونها اخذوها .. انسانه رائعه بكل ما تحويه الكلمه من معنى .. اسلوب رائع وتعامل اروع وشرح واسئله اسهل منها مافي وتساعد مره
علم لا فقاريات
د. عائشه القحطاني
اسئلتها لا بأس بها لكن تعاملها مو مره .. اذا حطت بنت براسها تتسلط عليها وكل شوي تسألها وتقومها .. يعني اكبر مصيبه اذا عرفت اسمك .. لكن من ناحيه الشرح فهي ما عليها قصور .. وايضا اختبرتنا اختبار تحسين لما زفتوا البنات وكان سهل .. من ناحيه الدرجات فهي زينه
المعيده سلوى (ما اعرف عائلتها )
طيبه وتعاملها جميل لكن شرحها متوسط .. وبالنسبه لأسئلتها فأيضا متوسطه موب مره سهله بس موب تعجيزيه
اساسيات علم بيئه
د. فوزيه الشمري
انا اخذت عندها علم نبات بتحضيري .. وبصراحه كانت اسئلتها صعبه .. لكن بالبيئه اسئلتها كانت متوسطه .. اسلوبها جميل وتعاملها حلو وشرحها حلو .. لكن زي ما قلت اسئلتها تلسع شوي
المعيده صالحة الغامدي
ما انصحك تاخذين عندها .. لو بتسألين عنها البعض بيمدحها والبعض لا .. والسبب ببساطه انها تفرق وبشده بين البنات .. وايضا مزاجها متقلب تجيلك محاضره مبتسمه والمحاضره الي بعدها مكشره .. شخصيا انا اشوف ان اسلوبها زفت .. وايضا ما تتعاون بالدرجات والاسئله
انجليزي عام
د. هدى الدوسري
اسلوبها بالتعامل جدا سيء للأسف وتضيع كل المحاضره وهي تسولف عن قصه حياتها .. وايضا شديده بالمواعيد .. وتدقق على اشياء مالها داعي .. يعني مثلا خسفت درجات البنات بالبحث لانهم ما كتبوا لها المصادر ! او لأنهم حطوا المصادر والخاتمه بنفس الصفحه وهي تبي كل شي بصفحه منفصله !! .. لكن عموما اظن تم تغيير كل دكتورات الانجليزي هالسنه وجابوا دكتورات من اداب
مستوى ثالث
علم وراثة
د. محمد حمود
الي تحصله تاخذه وهي مغمضه .. يساعد مره بالدرجات واسئلته جدا سهله .. ويرسل المحاضرات عالايميل والمذاكره من المحاضرات فقط
المعيده عميشه ( ما اعرف عائلتها )
اسلوبها جدا سيء .. وشرحها اسوأ .. صحيح ان اسئلتها مو صعبه لكن الي تقدر ما تاخذ عندها يكون افضل
مملكه نباتيه
د. محي الدين
لا تاخذ عنده الا المضطره .. للأسف انا مضطره اخذ عنده هالترم والا لو بيدي بعدت عنه كل البعد .. اسئلته جدا جدا صعبه ودقيقه ويجيب من بين السطور .. الماده جدا دسمه وكلها اشياء متشابهه وهو ما سهلها علينا ابدا بالعكس جابلنا اشياء دقيقه جدا .. يعشق الفراغات والتعداد
المعيده حميده عبكري
اسلوبها حلو وطيبه وتساعد بالدرجات .. اسئلتها متوسطه مو سهله ولا صعبه .. عموما لا بأس فيها
كيمياء عضوية
د. منصوره
شرحها حلو وتساعد بالدرجات .. لكن اسئلتها متوسطه .. مو مره سهله يعني .. والاختبار النهائي كان موحد للأسف فكان جدا صعب .. لكن عموما الي تحصلها تاخذ عندها
وبالنسبه للمعيده فللأسف ما اعرف اسمها لانهم غيروها وما قالوا لنا الاسم
مقدمه في الحاسب
د . نشات
مافيه غيره للاسف فلازم كلكم تسجلون عنده .. لكن انصحكم حاولوا تسجلون بأول الاسبوع .. يعني السبت او الاحد او الاثنين .. لأنه يعتمد على طريقه انه كلما تأخر يوم المحاضره كلما زادت صعوبه الاسئله لأن البنات بيكون عندهم فرصه اطول للمذاكره
وبالنسبه للمعيدات فكل اسبوع كانت تجينا وحده فما اقدر افيدكم بالموضوع
كتابه وتعبير
د. ساميه الهاجري
رغم ان اسلوبها سيء الا انها تظل افضل من مرفت .. شديده بالمواعيد الي تتأخر عن المحاضره ربع ساعه تحسبها غياب .. لكن اسئلتها سهله
واتمنى اكون افدتكم
|