السلام عليكم ورحمة الله وبركاته
يا جماعة الخير أنا مشكلتي غريبه أو بالأحرى مشكلة الشخص إللي أعرفه

أحد قريباتي الله يذكرها بالخير عملت مشكله قد تكون غريبه وما عمرها مرت علي
المعروف إن في وقت الاختبار تكون اسئلة الاختبار لوحدها وورقة الإجابه لوحدها !
قريبتي مدري كيف فهمت الموضوع فحلت الأسئله على ورقة الأسئله نفسها
وكررت هالشيء في الاختبار الثاني وبعدها نبهتها المراقبه في الاختبار الثالث
إن الاجوبه تحل على ورقة الاجوبه وليس ورقة الأسئله

قدمنا التماس إلى الجامعه وحدثناهم بالمشكله وما قصروا والحمد لله حصلوا الورقتين إللي فيها الحل
وساعدونا كثير بعد جهد جهيد ، قريبتي كلمت المسئوله وقالت إننا ارسنا الورقه على حد قولها
هالكلام قبل لا تنزل درجات الاختبار لكن يوم جينا نشيّك على الدرجات اللي نزلت
للأسف هالمادتين مالقيناها نازله يعني الدرجه كانت صفر وتعتبر إنها ماحلت شيء أبد

إللي أبغى أعرفه الآن هل راح يصححون الورقه ولا بحسب ماقالي أحد الاخوان
إنهم ماراح يعطوني وجه وإنك راح تتعب ع الفاضي ؟
هل راح أتوّصل لنتيجه معهم ؟

وش رايكم لو ارسلت للعميد بحاسبه على التويتر هل راح يفيدني ؟
أتمنى الحل يا اخوان الله يعطيكم العافيه