|
رد: فزعتك يَ دوَدي ..! (جدول اختبارات مستوى ثاني)
اقتباس:
السلام عليكم ورحمة الله ..
كيفك دودي ؟؟ والجميع ؟؟
مبروك النجاح جمييييييييعاً ..
الحمدلله نجحت .. ومعدلي 4 و شوي
أبي شورك في تنظيم جدولي هذا أولاً ..
|
عليكم السلام ورحمة الله وبركاته .. آهللن حبيبتي ..
يبارك فيك . وانتي مبروك النجاح
شوفي ترتيب الجدول يعتمد على فضآوتك وجدولك
يعني هل انتي موظفه ؟ ام ؟ عاطله ؟ الخ .. وعلى هالاساس نحكم
الشي الثاني / انتي تبين تخلصين فِ 4 سنوات ؟ تبين جدول مريح ؟ كم ساعه ودك ؟
وبمآ أن معدلك ماشاء الله بطل .. تقدرين تمشين ع الخطه عشان ماتتأخرين " ولكن لاتنسين لازم تختارين على حسب استطاعتك "
والجدول حلو لآن كله فتره ثانيه ..
من رايي لآ تحذفين ماده سهله مثل فقه السيره .. لآنها دين ومافي احلى منها ..
ولا تحذفين ماده تخصص مثل انجليزي قراءه وكتابه لانها راح تفتح لك مواد ثانيه فِ المستويات الجايه
ولا تحذفين نحو2 ، لآنه ساعه خلصيه و ارتاحي
وبرامج الحاسب مره مره مره سهههههله
والقراءه والمحادثه والتذوق الادبي ماده عربي وسهله و نصوص وتعليق وكذا مامنها خوف
الاحصاء < انا درسته عند دكتور والحين غيروه
ولكن الكل خايف منها ومستصعبها وكذآ ..
والحين انتي تقولين يمكن يغيرونها .. فِ الامر ذا راجع لتس
و علم الاجتماع
حلوه ولكن فيها اسماء علما كثيييير .. فهل انتي تحبين الحفظ ؟
والتلاوه < اذا انتي شاطره ف التطبيق خذيها
طبيعه الماده / تطبيقيه
يعني مثلاً يشرح لك الادغام الاخفاء الاقلاب
ويجيب لك ايه
يقول هل هذه الايه فيها ادغام او اقلاب وهلم جرآ ..
طبعاً انا للحين م عطيتك رايي .. لآني مادري بقدراتك
تحبين الفهم تحبين الحفظ تحبين يوم ورا يوم الاختبارات تحبينها ورا بعض عادي ..
ولكن الافضل انك تحددين بنفسك وانا اعطيك رايي بعدها
وبرضو لو انتي تحبين المذاكره الجامعيه تشاوري مع دفعتك افضل ..
|