ملتقى طلاب وطالبات جامعة الملك فيصل,جامعة الدمام - عرض مشاركة واحدة - الفيزياء تجمع طالبات قسم الفيزياء لجميع المستويات

غلآكمـ · 2013- 1- 24

اقتباس:

المشاركة الأصلية كتبت بواسطة noor almuhaidib

لحد الحين ما سجلت ولا ماده غير مواد العامه , خصصوني فيزياء فا ايش تنصحوني اخذ مواد ؟
ابي ماده صعبه وماده سهله , مادتين بس , مع اسم الدكتور/ه الافضل
يعطيكم العافيه

غير المواد العامة يبقى لك كيمياء عامة 2 و فيزياء عامة 2 و تفاضل وتكامل 1

المادة اللي مالها متطلبات بالمستويات الجاية هي الكيمياء عامة 2
لكن لو ما اخذتيها الحين بتسوي لك تعارضات بشكل كبير السنة الجاية

ضروري ضروري تدرسين فيزياء عامة 2 و تفاضل وتكامل 1

- فيزياء عامة 2 تتكلم عن الكهرباء و كذا كان شي جمممميل جدا بالنسبة لي لو إنتي عندك فضول عن عمل الكهرباء وكذا بتستانسين فيه

بس يبي لك تركزين وتشدين حيلك فيها

اللي يدرسون هالمادة دكتوره أمل العتيبي و دكتورة نوال ال يحيا ،،
الثنتين تدرسيهم جميل ولكن اذا قدرتي تاخذين المادة مع دكتورة أمل العتيبي أفضل

بس تراها بتشد عليكم

- تفاضل وتكامل 1
يشبه لرياضيات ثالث ثانوي بس متعمقين شوي بزيادة

ما اعرف دكتورة نبيلة بس إن شاء الله تكون زينة

نجاحك بفيزياء عامة 2 يعني تقدرين تدرسين بصريات بالمستوى الثالث و فيزياء حديثة وعلم الفلك في المستوى الرابع و الكترونيات 1 في المستوى الخامس

نجاحك في تفاضل وتكامل 1 يعني تقدرين تدرسين تفاضل وتكامل 2 في المستوى الثالث و تفاضل وتكامل 2 لها كذا مادة متطلب لها

^
كتبت هالشي عشان أوضح لك أهمية هالمادتين لقسم الفيزياء

كيمياء عامة 2
أقل أهمية من الفيزياء العامة 2 و تفاضل وتكامل 1 ولكن ممكن السنة الجاية تخرب جدولك لما تتعارض مع مواد بالمستوى الرابع

فكري انتي بالموضوع وشوفي نفسك اذا تقدرين تدرسين الكل يفضل واذا ماتقدرين اخذي مع المواد العامة تفاضل وتكامل 1 و فيزياء عامة 2

بالتوفيق يارب