|
رد: لنــــــرفع معدلنا ..
اهو صحيح في المحاضره يا أما تكتبين أو تفهمين
شوفي بقولج طريقة في المذاكره اتبيعيها اذا اعجبتج
الحين انتي في القاعه كتبي ورى الدكتورة وفي نفس الوقت فهمي شاللي تكتبين واذا ما مداج تكتبين عادي قولي للدكتورة لحظه اكتب
واذا قالت بسرعه
قولي لها عشان افهم
حاولي في كلامج تستميلين الدكتورة مو تتخانقين وياها يعني هيك
وفي اسلوب ثاني اذا بغيتي تكتبين وتخلصين هههههههه سولفي ويالدكتورة يعني اسأليها عن اي شي بحيث انها تطلع عن المحاضره اشوي وهنا البنات راح يروحون في السالفه ويالدكتورة وانتي في هاللحظه كتبي اللي ما مداج تكتبينه  وهكذا من الاسلوب الحلو
هذا بالنسبة وانتي في الكليه
في البيت
اقري محاضرة اليوم وافهميها عدل واذا في شي ما فهمتيه المحاضرة الثانيه سألي الدكتورة في هالنقطه لا تصبرين عليها وإلا تقولين تو الناس ووووو لا خلي شغلج أول بأول
الحين مثلا بكرى عندج اختبار تفاضل
تمسكين الدفتر بسم الله وتفتحين أول صفحه وتقرين المثال بعدين تحلينه غيب و بعد ما تخلص المحاضره الأولى تروحين تجيبين ورقة دفتر وتصفطينها من النص بالطول(تسمينها ورقة القوانين ) وتكتبين القوانين كلها اللي في المحاضره الأولى فيها وتكملين المحاضره الثانيه وتقرين الامثلة وتحلينهم غيب وتكتبين قوانينها في ورقة القوانين وهكذا طبعا ورقة القوانين هذي اذا جلستي يوم الاختبار ذاكريها اهي بس لا ترجعين للدفتر عشان لا تتخربطين واذا حبيتي تقرين الدفتر براحتج بس ما انصح ابهالحركه لانها تفر الراس فر
وطبعا هذي الحركه لكل المواد تسوينها
وإن شاء الله أمورج تصير تمام التمام والله يوفقج وتبشرينا بالمعدل العالي
ملاحظه
بس للأمانه أنا ما أذاكر إلا حزت الاختبار تو اتفقت انا ووحده نذاكر أول بأول إن شاء الله نقدر ولاااا 
الله كريم
بالتوفيق 
|