|
نقاط مهمه لمستوى ثاني قسم انجليزي
انا حبيت اقول ها الكلام على شان افيدكم اولا .
وعلى شان اشوف ارائكم ثانيا .
ويتاح لي المجال للتشاور مع اكبر عدد ممكن من الاعضاء
وهل انتم توافقوني الر ئي او لكم وجه نظر اخرى
وياليت القى رد ايضا من المستويات الي سبقونا
من قسم الانجليزي على شان يفيدونا في اتخاذ الانسب
فيه من الاخوان من قال .....
انه تشاورمع مستوى ثالث وقالوله انه ياجل مبادئ علم الا جتماع بس الجداول غيروها وعلم الاجتماع ما نقدر ناخذه
لا في مستوى ثالث ولا في مستوى رابع لانه في مستوى ثالث بيكون مع ماده استماع واستيعاب وكذا
بننضغط مثل ما انضغطنا في مستوى اول مادتين بيوم واحد ولا تقدر تاخذها مستوى رابع لانها بنفس اليوم
والفتره مع ماده استماع وتحدث فبتطر تاجلها لخامس او سادس وخامس تسع مواد وسادس ثمان مواد فلو لا سمح الله انا حملت ماده بتورط بيصير صعب علي ويمكن ااجلها الى ما شاء الله
اما بالنسبه للي قالو بنأجل قراءه ومحادثه ....
فيوم المحادثه بعده فقه السيره يقولون ان فقه السيره ماده سهله وترفع المعدل يعني ما يحتاج نحذف المحادثه ومالنا حاجه بيومها
اما بالنسبه الي بيأجلون التذوق الادبي ....
فممكن لانه ما يبسبب اي مشاكل لو اخذته بثالث او رابع بس المشكله البسيطه انها ماده
دسمه ويبيلها وقت وبما ان احنا نبي نركز بالمستويات الجايه على مواد تخصصنا
فالافضل ناخذها ونفتك منها ولا وش رايكم
وبالنسبه الي قال بيأجل فقه السيره ....
ترا مرررره ما انصحك لانك مارح تقدر تاخذها بمستوى ثالث لان معها ماده ثانيه وهي
الاخلاق الاسلاميه والاداب المهنيه وبتنضغط مادتين بيوم واحد والاثنين دين ممكن
يسسبن لك لبس في المعلومات ولا تقدر بتاتا البته تاخذها في مستوى رابع لانها بنفس
اليوم وبنفس الفتره قواعد البيانات وبخامس مع الحضاره الاسلاميه وسادس مارح تقدر
تاخذها لانها بنفس اليوم والفتره مع تاريخ الخليج العربي وفي سابع بتجيك مع
علم اللغه النفسي فانتبهو الله يجزاكم خير قبل تسجلون موادكم
والي قالو النحو التطبيقي 2...
ترا صدق هي ساعه وحده بس ترا في كل ترم بتجيكم مع ماده يعني بيصير ضغط
على الي بياخذها في مستوى ثالث بتكون مع انشاء وتعبير وفي رابع مستحيل تاخذها
لانها بنفس اليوم والفتره مع النثر الانجليزي وفي خامس مع الادب
الانجليزي وفي سادس مع النحو والصرف فبتطر تاخذها بسابع او ثامن
في نهايه كلامي انا من رايي نحذف التلاوه والتجويد لانها بتكون بين علم الاجتماع والتذوق
الادبي يعني بيكون بين المادتين فيه يوم اوف الي هو يوم التلاوه والتجويد فنذاكر فيه التذوق الادبي ونقدر ناخذ التلاوه والتجويد في مستوى ثالث او
رابع بما انها ماده سهله هاه وش رايك ؟
هاه وش قلتو ترا ايهمني رايكم 
ادري غثيتكم وطولت عليكم بالهرج بس والله اني مثلكم محتاره فابي افيدكم
وتفيدوني اذا انا على حق ولا لا واسفه على الاطاله
اوتمنى ما يتقفل موضوعي مثل الي قبله 
|