|
رد: عطني كلمه واعطيك بيت *_*
يا زين المشي في الرّوض الخضر لا شعشع المخضار
يا زين الدّيره اللي من حقوق الوسم ممطوره
يريح البال سجٍّ في الفياض الخضر والمسيار
سعاده للقلوب اللي من السّلوان مسروره
متى عيني تشوف اللي على قلبي ربيع ودار
أشاهد للسّعاده في حياة المجتمع صوره
ليَا هلّت مزونٍ فوقهن تنعومتينْ صغار
على ذيك اللباب اللي من الرّيضان مغموره
رياضٍ نبتها يحميه من شمس النّهارْ ستار
تحت فيّة طفافيح الطفل خوخه وبندوره
لا منْهْ اصْحَى سمَا غرّ المزون وشعشع النّوّار
دجاه ادلى سدوله والقمر متجلّيٍ نوره
أشاهد ليْ برُوقٍ دُونها ربّانها تندار
تقول اكباس غازٍ من ورى شلال نافوره
سبَح ماهر خيَالي في الخبَاري والبَرَد والنار
واشوف الجَمْر فوقه دَلّة الرّسْلان منحُوره
هذاك المنظر اللي ما تشوفه في الحياة امرار
على شوفه سبابيح الخيال تموت مقهوره
حرام اني مااهني راعي المليون والمليار
ولااهنّي عَرَبْسَات الفضا دوره ومقدوره
أعيش بعالمٍ طول المدى يبقى لها تذكار
عليٌه بالحَرَام انها حياةٍ ما لها جَوره
هذا وَجْه الصّحيحْ ولا على وَجْه الصّحيحْ غبَار
حقيقهْ ويتمَعّنهَا اللبيبْ بكَاملْ شعُوره
انت غير
|