بنات أولاً الدوام معروف في الكلية انه الاسبوع الأول ما فيه دراسة الترم الأول والثاني نفس الشي بس عشان ما يتكرر السؤال
أنا اليوم داومت واللي بقوله مشاهداتي في قسم الكيمياء فقط لأن باقي الأقسام ما أدري كيف نظامهم
أولاً اذا دخلتي القسم معلقة أوراق فيها أسماء الطالبات ومرشداتهم الأكاديمية وكلهم من دكتورات ومعيدات القسم كل طالبة تشوف اسمها تبع مين وتعرض مشكلتها على المرشدة الأكاديمية
المرشدة بتحاول تحل مشكلتك وتقول لك سوي كذا بدلي بين هذي الشعبة وهذي المهم تسجل عندك كل المواد، أي شعبة مفتوحة وتقدرين تاخذينها خذيها لا تصرين على شخص معين
لو عندك تعارض مثلاً وجدولك ما تناسبه الا شعبة مغلقة بتقولك ما نقدر نوسع الشعبة إلا بموافقة من الدكتور والمرشدة الأكاديمية ممكن تقول لك اشرحي مشكلتك لدكتورة المادة او اهي بنفسها تكلمها أو اذا كان دكتور تكلمه، طبعا البعض وافقوا اما بعض الدكتورات شفت بنفسي بنات يحاولون معهم وحتى وحدة من المعيدات بس رفضوا وقالوا مافي مجال والشعبة مزحومة .. في هذي الحالة يرفض طلبك ودبري نفسك
في حالة وافقت الدكتورة على التوسيع تسجلين طلبك في استمارة خاصة وتوقع عليها رئيسة القسم وتتركينها عند المرشدة الأكاديمية وان شاء الله يسجلونك من الكلية
طبعاً هم قالوا ان اليوم اخر يوم للنظر في الطلبات بس انا أقول اللي عندها مشكلة ضرورية تداوم بكرة وتحاول لعل وعسى
ملاحظة أخيرة: بنات ادخلوا على الموقع وشيكوا على الشعب المفتوحة اذا اي وحدة تقدر تغير جدولها وتاخذ اي شعبة تسجلها يمكن ما تحتاج تراجع الكلية لأن ما راح يوافقون يوسعون شعبة اذا كنتي تقدرين تاخذين المادة في وقت ثاني
إن شاء الله أكون أفدتكم وبالتوفيق للجميع
