ملتقى طلاب وطالبات جامعة الملك فيصل,جامعة الدمام - عرض مشاركة واحدة - نلوم زماننا والعيب فينا وما لزماننا عيب سوانا

الحركي · 2013- 1- 27

اقتباس:

المشاركة الأصلية كتبت بواسطة عبدالله عبدالعزيز

أخوي الحركي ,, بقولك شي ممكن ما تعرفه أنت أو حتى جميع الزملاء من الطلاب والطالبات !! وهو :

تخيل معي وأنت تذاكر وتحرص على الدرجات المشاركة كاملة وكل شي تمام وتبدأ في المذاكرة قبل موعد الأختبارات ويجيك أتصال من أحد مستشفيات الرياض الكبرى والمعروفة على مستوى العالم ويقولك بأن عمليتك يوم الأربعاء وبعد التفكير صارت العملية قبل بداية الأختبارات بيوم ! الى هنا الأمور تمام وبعدها تسوي العملية الي كانت نسبة نجاحها جدا ضعيفه ! وتكلم الدكتور / أحمد الشعيبي وكيل الجامعة وتبلغه بظروفك وتاخذ من المستشفى عذر طبي رسمي ويقول أرفع لنا عذرك وبعدها راح نختبرك أنت وجميع الطلاب الي ما أختبروا بعذر
في بداية الترم الثاني !! ويبدأ الترم الثاني وأنت وزملائك الي غابوا بعذر ما أختبروا وفي النهاية بكل بساطة تجيك رسالة على جوالك وأنت برا السعودية في سفرة خاصة ومحتوى الرسالة هو أن الجامعة قررت أنها تجبرك على إعادة الترم الأول من جديد وبيدور في ذهنك سؤال ليش يجبروني على الإعادة ,, صدقني ما راح تعرف الجواب !!

ليس هذا فقط والمشكلة الأعظم أنك تكلم وتراسل العميد / عبدالله النجار (الي ترك الجامعة) والدكتور/ أحمد الشعيبي وفي النهاية يجيك أتصال من الدكتور / أحمد الشعيبي وينكر كل الكلام الي قاله لك أنت وزملائك الي غابوا بعذر عن الأختبارات علشان تختبرون في بداية الترم الثاني ويرفع صوته عليك !

على كل هذا وش بتسوي لو كنت مكاني !!!!

والله يا اخي هذا ظلم واضح وصريح.. ولوكنت مكانك لطرقت كل باب
لرفع الظلم عن نفسي...
اعانك الله واعاد الحق إلى اصحابه
دمتم بود وبخير