ملتقى طلاب وطالبات جامعة الملك فيصل,جامعة الدمام - عرض مشاركة واحدة

Turning point · 2013- 1- 28

اقتباس:

المشاركة الأصلية كتبت بواسطة غربة مشاعر 27

السلام عليكم
اخت ترينيق انا طالعه للمستوى الثاني ونجحت بكل المواد الحمدلله ومعدلي عالي بس هذا الترم مضغوطه مرا دكتوره فجر قالت اكلمك ماقدر اراسلك لانو مشاركاتي اقل من ميه ادا ممكن تساعديني في جدولي مو عارفه ايش اخلي وايش احذف والتفكير ذبحني مابغا معدلي ينزل وماابغا اقلل من الساعات فحذفت انجليزي كتابه وحذفت فقه عشان يكون في يومين اذاكر الاحصاء ودي احذف مبادئ علم اجتماع واحط محلها ماده سهله من المستويات الثانيه فمدري تفكيري كدا صح ولالا وايش تنصحيني فيه

اهلين ياغربة مشاعر .. حياك وحي الله اللي من طرف فجر .

..
قالت لي بترسلك عليا هلا فيك ...

اذا تبغين السهل لا تحذفين السيرة منهج حلو وسهل قرأته قراءه ولا فيه لا اسئله ولا شي الاستاذ كان جديد وجبت 98

عندك علم الاجتماع / صح ماده صعبه لكن فيه اشياء سهلتها .. زي خرائطي الذهنيه ملخصه الماده تلخيص وترتيب يساعدك ان شاء الله ..وكمان فيه ملف للعلماء مرتب + ان الدكتور يكرر الاسئله جبت 98

مادة التذوق الادبي/ مادة لذيذه جدا وسهله

القراءه والمحادثه / صراحه متعبه في المذاكره لان اغلبها سوالف بس الدكتور كمان كرر الاسئله وجبت فيها a+..

التجويد / اذا عندك اطلاع واسع بعلم التجويد فهي مادة سهله واذا ماعندك مانصحك الدكتور مو هين ...في وضع الاسئله ..

برامج الحاسب / احفظي كل المساطر في برامج وورد واكسل وبوربوينت ومعادلات الاكسل وتجبين ميه .. يوم واحد مذاكره يكفيه..ماسمعت غير محاضرة واحده ..جبت a ههه لاني ماذاكرت غير ساعتين

راحت عليا نومه طول الليل وطول النهار والدكتور اظن كرر الاسئلة بس مالحقت اراجعها زين يوم الاختبار "معادلات الاكسل اتفرغي لفهمها ومذاكرتها لوحدها جاب عليها حوالي 10 اسئلة " "المساطر اللي هيا شريط الايقونات" ..

الاحصاء / صعب ذاكرته طول الفصل واستوعبت المادة .والجميع عدى بتركيزه على الاسئله السابقه وحصلت على a+..

النحو / انا بالنسبه لي صعب ذاكرته زين ماقدرت اجيب غير a بس ساعات الماده قليل ساعه واحده ماتأثر على المعدل ..

الانجلش قراءه / صعب جدا لانه حفظ اذا حفظتي من بدري بتنسين واذا قبل الاختبار بيوم مايمديك .. تخلصين ..وكمان يجيب من خارج المنهج نزل معدلي ....

انجلش كتابه / ماخذته ..

انا حطيتك في الصورة من خلال رؤيتي بس انتي ادرى باللي يناسبك ..
حياك مره ثانيه ...