|
رد: كيف طريقة التعليم عن بُعد
اقتباس:
المشاركة الأصلية كتبت بواسطة moly04
سؤالك الاول :
الا تقدرين وعادي .. بس القصد وقت الاختبار معقوله بتفتحين كل محاضرة تتابعينها من جديد ؟؟
صعبه انتي تبين شي جاهز وتذاكرين منه
سؤالك الثاني :
الا فيه المحاضرة التمهيدية تنزل وفيها يتكلم الدكتور عن المنهج
ويقول فيه كتاب الفلاني تحصلونه بالمكتبة الفلانية اطلعوا عليه
ومع العلم نص الكتاب بس يدخل بدراستنا ونص الباقي ماله دخل
لكن حوووسه وعن نفسي مافكر اشتري الكتاب
ايه صحيح كلامك اسئلة الاختبار من المحتوى والمحاضرة
والاعضاء مو مقصرين ينزلون لنا ملخصات شاملة المنهج كامل
تغنيك عن المحاضرة و المحتوى
اتمنى افدتك  |
إلا و الله افدتني .. لأنك نبهتيني على شغلة ما كانت ببالي و هي وقت المراجعة .. او وقت الإختبارات .. يعني فعلاً مو معقولة بفتح 14 محاضرة لثمان مواد .. !!
بالنسبة للكتب انا عارفة انو الدكتور يرشح في بداية المحاضرات للبعض الكتب تكون مراجع بالنسبة لنا ..
بس ما أذكر دكتور جاب في أسئلة الإختبار .. شيئ خارج المحتوى او المحاضرة .. ماقد شفت دكتور مثلاً جاب اسئلة من الكتب الي تكلم عنها او من المراجع ..
يعني هل فيه احد من الدكاترة الي درسوك .. جاب أسئلة خارج المحتوى و المحاضرة المسجلة ؟
جاب اسئلة من الكتب .. او من المراجع الي رشحها ؟
الله يسعد قلبك يا مولي و يرزقك رضى الرحمن و توفيقه ..
|