اليوم رحت للجامعه
وصراحه كل شخص يقول كلام شكل
وكتبت المهم منهم فقط
وتجاهلت المكرر **
رحت لمبنى 65
قالو لي روحي للاستاذه "نوف القحطاني"
طبعاً مالقيتها جات وحدا بدالها "وماقصرت خرشت ام امي"
قالت , ان نتايج القبول راح تتاخر يمكن اسبوعين او 3 اسابيع ..
يعتمد على الجامعه متى ماخلصت من اختبارات المؤجلين "اللي جايبين اعذار" و متى ما خلصوا من شكاوى التظلم اللي عندهم
و اعادة التصحيح .. وقتها يعلنون الاسماء
و بالنسبه لنا ومتى نبدا ندرس تقريباً هالاسبوعين راح نبدا ندرس عن بعد ..
واذا طلعت النتايج للقبول راح نبقى ندرس انتساب والفصل الجاي "السنه الجايه يعني" راح ندرس انتظام ﻻن بيكون راح شهر من بداية الدراسه
وانه فيه احتمال 10% انهم يخلوننا ندرس على طول من وقت ما تطلع النتايج
المواد تسجيلها تلقائي نفس المواد اللي سجلناها انتساب راح ندرسها انتظام ..
المقاعد ما بعد يحددونها ..
وما عجبني كلامها ولا اقتنعت فيه اببد
لاني قلت لها عطيني الاوراق اللي مكتوب فيها هذي الشروط
قالت مافي اوراق مافي شي رسمي , تطقطق على راسي الاخت "جامعه ومافيها شي رسمي =\"
المهم رحت لمبني 900 دخل ابوي وقالو له روح ل"عثمان العويد" في قسم العمادات ..
ورحنا له قال ;
النتايج من يوم الثلاثاء "بكرا" إلى الاربعاء الجاي اقصى مده
واذا طلعت النتايج للقبول نحول على طول وندرس انتظام ..
و المواد مثل ماهي ما راح يصير فيها حوسه ان شاء الله
نفس المواد اللي سجلناها على البيبول سوفت راح ندرسها بالانتظام
والله يسهل ..